SBI मध्ये Salary Account असणाऱ्या ग्राहकांसाठी मोठी बातमी, मोफत मिळतील ‘हे’ 5 मोठे फायदे !

नवी दिल्ली : वृत्तसंस्था – नोकरी करणाऱ्या प्रत्येक व्यक्तीसाठी त्याचे सॅलरी अकाउंट खूपच महत्त्वाचं असतं. तुमच्या सॅलरी अकाउंटबाबत सर्व माहिती तुम्हाला असणे आवश्यक आहे. प्रत्येक बँक आपल्या ग्राहकांसाठी अनेक उपयुक्त सुविधा देत असतात. त्यापैकी स्टेट बँक ऑफ इंडिया (SBI) बँक आपल्या ग्राहकांना आणि खासकरून सॅलरी अकाउंट असणाऱ्यांना मोठ्या सुविधा देत आहे. जर तुमचे SBI मध्ये सॅलरी अकाउंट असेल तर तुम्हाला पाच मोठे फायदे मिळतात.

SBI च्या वेबसाईटवर यासंदर्भात सविस्तर माहिती देण्यात आली आहे. यानुसार जर तुमचं सॅलरी अकाउंट SBI मध्ये आहे तर तुम्हाला वैयक्तिक कर्ज, वाहन, कर्ज, शैक्षणिक कर्ज इत्यादींवर सवलत मिळते. याशिवाय इतर फायदे देखील आहेत. हे फायदे कोणते आहेत, याची माहिती खातेदाराला असणे आवश्यक आहे.

एसबीआयमध्ये सॅलरी अकाउंट असणाऱ्यांना मल्टी सिटी चेक, एसएमएस अलर्ट, फ्री ऑनलाइन NEFT/RTGS आणि देशातील कोणत्याही बँकेच्या एटीएममध्ये अनलिमिटेड फ्री ट्रान्झॅक्शनची सुविधा SBI देते. याशिवाय पाच मोठे फायदे देखील खातेदाराला मिळतात, जाणून घ्या

मिळणारे 5 मोठे फायदे

1. ॲक्सिडेंट डेथ कव्हर

SBI सॅलरी अकाउंट खातेदाराला 20 लाख रुपयापर्यंत अॅक्सिडेंटल कव्हर मिळते. याअंतर्गत कोणत्याही अपघातात खातेदाराचा मृत्यू झाल्यास 20 लाखापर्यंत कव्हर मिळते.

2. लोन प्रोसेसिंग फीवर सूट

SBI अकाऊंट खातेदार कोणतंही लोन जसे की वैयक्तिक कर्ज, वाहन कर्ज, शैक्षणिक कर्ज इत्यादीच्या प्रोसेसिंग फीवर 50 टक्के सूट मिळते.

3. लॉकर चार्जमध्ये सूट

SBI च्या सॅलरी अकाउंट होल्डर्सना लॉकर चार्जमध्ये 25 टक्के सूट मिळते.

4. एअर ॲक्सिडेंटल डेथ कव्हार

एसबीआयच्या वेबसाईटनुसार, हवाई प्रवासातील दुर्घटनेतील मृत्यू प्रकरणी सॅलरी अकाउंट खातेदाराला एअर ॲक्सिडेंटल इन्शुरन्स (डेथ) कव्हर अंतर्गत 30 लाख रुपयांचा इन्शुरन्स मिळतो.

5. ओव्हरड्राफ्ट सुविधा

ओव्हरड्राफ्ट सुविधेचा फायदा एसबीआय सॅलरी अकाउंट होल्डर्सना घेता येईल. तुम्हाला या सुविधेअंतर्गत दोन महिन्याच्या सॅलरीइतकी रक्कम मिळू शकते.