नुकतच कॅबिनेट मंत्री बनलेल्या के.सी. पाडवींना मोठा धक्का, जि.प. निवडणूकीत शिवसेनेकडून पत्नीचा पराभव
नंदुरबार : पोलीसनामा ऑनलाइन – कॅबिनेट मंत्री के सी पाडवी यांना मोठा धक्का बसला आहे. नंदुरबार जिल्हा परिषदेच्या निवडणूकीत काँग्रेसच्या उमेदवार असलेल्या के सी पाडवी यांच्या पत्नी हेमलता पाडवी यांचा पराभव झाला आहे.
राज्यात महाविकासआघाडीचे सरकार असले तरी नंदुरबार जिल्हा परिषदेत महाविकासआघाडी नव्हती. काँग्रेस – शिवसेना या जि. प तून स्वबळावर लढले होते. या निवडणूकीत शिवसेनेकडून काँग्रेसचा पराभव करण्यात आला. के सी पाडवी यांच्या पत्नी हेमलता पाडवी यांचा तोरणमाळ गटात शिवसेनेचे धडगाव तालुकाप्रमुख गणेश पराडके यांनी हेमलता पाडवींना पराभूत केलं.
नंदुरबार जिल्ह्याची काँग्रेसची धुरा के सी पाडवी यांच्याकडे सोपावली होती. त्यांनी जि प च्या निवडणूकीत त्यांच्याच पत्नीला रिंगणात उतरवले होते , त्यामुळे यांच्यासाठी ही लढत प्रतिष्ठेची झाली होती. महाविकासआघाडी सरकारमध्ये त्यांच्याकडे आदिवासी विकास मंत्रालयाची जबाबदारी देण्यात आली आहे. मागील आठवड्यातच त्यांनी कॅबिनेट मंत्रिपदाची शपथ घेतली.
परंतु जिल्हा परिषदेत पत्नीचा पराभव झाल्याने के सी पाडवींना नंदुरबारमध्ये हा मोठा धक्का मानला जात आहे.
फेसबुक पेज लाईक करा – https://www.facebook.com/policenama/
- ‘फूड पॉयजनिंग’ कशामुळे होते? ‘ही’ आहेत 5 लक्षणे ?
- ‘फंगल इंन्फेक्शन’ दूर करण्यासाठी ‘या’ 2 प्रकारे करा कडूलिंबाचा वापर !
- मक्याच्या कणीसाचे ‘हे’ आहेत 4 फायदे, मात्र…त्यावर पाणी पीणे नुकसानदायक
- पचनक्रिया बिघडली असेल तर आहारात ‘या’ 7 गोष्टींचा करा समावेश
- तुम्हाला ऑफिसमध्ये सतत झोप येते का? ‘ही’ 4 कारणे असू शकतात