नवी दिल्ली, वृत्तसंस्था : ऑनलाईन ग्रॉसरी प्लॅटफॉर्म बिग बास्केट (Bigbasket) च्या डेटाचा गोंधळ झाला आहे. हॅकर्सनी प्लॅटफॉर्मवर उपस्थित 2 कोटींपेक्षा अधिक ग्राहकांची माहिती डार्क वेबवर टाकली आहे. या संदर्भात बंगळूर पोलिसांनी गुन्हा दाखल करून कारवाई सुरू केली आहे. याचा परिणाम भविष्यात ग्राहकांवरही होऊ शकतो. आपण देखील बिग बास्केट वरून खरेदी करत असाल तर आपले महत्त्वाचे तपशील बदला, जेणेकरून भविष्यात नुकसान होणार नाही.
Cyble ने दिली माहिती
सायबर इंटेलिजेंस कंपनी Cyble ने याबाबत एक अहवाल दिला असून, त्या आधारे सायबर क्राइम सेलने तक्रार दाखल केली होती. कंपनीने म्हटले आहे की रुटीन वेब मॉनिटरींग करत असताना शोध पथकाला आढळले की बिगबास्केटचा डेटाबेस सायबर क्राइम मार्केटमध्ये विक्रीसाठी उपलब्ध आहे. हा डेटा 30 लाख रुपयांमध्ये (40 हजार डॉलर्स) मिळत आहे. 15 जीबी ची एसक्यूएल (SQL) फाइल आहे.
ही माहिती आहे फाईलमध्ये उपस्थित
या तपशीलात वापरकर्त्यांची नावे, ईमेल आयडी, पासवर्ड, फोन नंबर, पत्ता, जन्म तारीख, स्थान आणि आयपी अ‍ॅड्रेस देखील उपस्थित आहेत. तथापि कंपनी ओटीपीमार्फत पासवर्ड पाठवते, जो प्रत्येक वेळी बदलत असतो.
ग्राहकांची गोपनीयता ही एक प्राथमिकता
तथापि बिगबास्केटने म्हटले आहे की ग्राहकांची गोपनीयता ही एक प्राथमिकता आहे आणि ती क्रेडिट कार्ड नंबर इत्यादींसह कोणताही आर्थिक डेटा साठवत नाही आणि विश्वास आहे की हा आर्थिक डेटा सुरक्षित आहे. आमच्याकडे एक बळकट माहिती सुरक्षितता फ्रेमवर्क आहे जी उत्कृष्ट दर्जाची संसाधने आणि तंत्रज्ञान वापरते. बिगबास्केटने सांगितले की आम्ही आमची माहिती व्यवस्थापित करत राहू. आम्ही यापुढे देखील यास अधिक बळकट करण्यासाठी सर्वोत्कृष्ट दर्जाच्या माहिती सुरक्षा तज्ञांशी जोडलेले राहू. तथापि, 30 ऑक्टोबर 2020 रोजी डेटा हॅक झाल्याची माहिती बिगबास्केटच्या व्यवस्थापनाला अगोदरच देण्यात आली होती, असा दावा सायबलने केला आहे.