बिहारमध्ये चमकी तापाने १०० बालकांचा मृत्यू, मंत्र्याबद्दल न्यायालयात तक्रार

On Jun 17, 2019

मुजफ्फरपूर : वृत्तसंस्था – बिहारच्या मुजफ्फरपूर व परिसरात चमकी तापाने थैमान घातले असून (अ‍ॅक्यूट इन्सेफलाइटिस सिंड्रोम) आतापर्यंत १०० हून लहान मुलांचा मृत्यू झाला आहे. या मृत्यूप्रकरणी केंद्रीय आरोग्यमंत्री डॉ. हर्षवर्धन आणि मंगल पांड्ये यांच्याविरोधात गुन्हा दाखल करण्यात आला आहे.

Bihar: A case has been registered against Union Health Minister Dr Harsh Vardhan and Bihar Health Minister Mangal Pandey in Muzaffarpur for not spreading awareness about Acute Encephalitis Syndrome (AES) prior to the outbreak. (file pics) pic.twitter.com/UdHhqJYXtu
— ANI (@ANI) June 17, 2019

बिहार राज्यातील बारा जिल्ह्यांमध्ये ‘एक्यूट इन्सेफेलाइटिस सिंड्रोम’ म्हणजेच एईएस (चमकी) आजाराची साथ पसरली आहे. या भागातील उष्णतेच्या लाटेमुळे हा आजार मुलांना होत असल्याचे राज्याच्या आरोग्य विभागातील अधिकाऱ्यांचे म्हणणे आहे. तर, चमकी तापामुळे होणारे मृत्यू लिचीमुळे होत आहेत, असे काही अहवालांमध्ये नोंद करण्यात आले आहे. मुजफ्फरपूर लगत घेतल्या जाणाऱ्या लिचीच्या उत्पादनात काही विषारी घटक असल्याचे बोलले जात आहे.चमकी तापाच्या रुग्णांची संख्या सातत्याने वाढत आहे. या तापामुळे पीडित असलेली मुले ४ ते १४ वयोगटातील आहे.

बिहारमध्ये उष्मघातामुळे १८४ जणांचा मृत्यू ; कलम १४४ लागू –

चमकी तापाच्या साथीबरोबरच बिहारमध्ये गया जिल्ह्यात भयानक गर्मीची लाट उसळली आहे. बिहारमध्ये उष्णतेच्या लाटेमुळे भीषण परिस्थिती असून उष्मघातामुळे आतापर्यंत १८४ जणांचा मृत्यू झाला आहे. गया येथील जिल्हाधिकाऱ्यांनी १४४ कलम लागू केलं आहे. त्याअंतर्गत गयामध्ये सरकारी, निम-सरकारी, तसेच मनेरगा योजनेतून होणारी कामे, मैदानात होणारे सांस्कृतिक कार्यक्रम यांना ११ ते ४ या वेळेत घेण्यास बंदी घालण्यात आली आहे.

Gaya: District Magistrate issues an order in view of scorching heat under section 144 (prohibiting unlawful assembly); bans governmental/non-governmental construction works, MGNREGA labour work, and any cultural programme or gathering in open spaces, between 11 am to 4 pm. #Bihar pic.twitter.com/gLnR1Y0XeN
— ANI (@ANI) June 17, 2019