वाढली ITR फाइल करण्याची अंतिम मुदत, GST वार्षिक परतावा भरण्यासाठीही मिळेल अधिक वेळ
file photoनवी दिल्ली : वृत्तसंस्था – ज्यांनी अद्याप 2019-20 या आर्थिक वर्षासाठी आयकर विवरणपत्र भरलेले नाही त्यांच्यासाठी आनंदाची बातमी आहे. आयकर विवरणपत्र भरण्यासाठी सरकारने बुधवारी पुन्हा मुदतवाढ दिली आहे. वित्त मंत्रालयाने म्हटले की, कोरोना व्हायरस साथीच्या आजारामुळेेे करदात्यांच्या समोर त्यांची वैधानिक पालनासमोरील आव्हानांचा विचार करता सरकारने विविध अनुपालन करण्याची अंतिम तारीख पुढे ठेवली आहे.
In view of the continued challenges faced by taxpayers in meeting statutory compliances due to COVID-19, the Govt further extends the dates for various compliances: Finance Ministry pic.twitter.com/ITlkYNonRm
— ANI (@ANI) December 30, 2020
अशाप्रकारे, आर्थिक वर्ष 2019-20 साठी प्राप्तिकर विवरण (आयटीआर) भरण्याची अंतिम तारीख आता 10 जानेवारी 2021 झाली आहे. जी आधी 31 डिसेंबर 2020 रोजी होते. त्याशिवाय कंपन्यांनी आर्थिक वर्ष 2019-20 साठी प्राप्तिकर परतावा भरण्याची अंतिम मुदत 15 दिवसांपर्यंत वाढवून 15 फेब्रुवारी 2021 पर्यंत ठेवली आहे. केंद्रीय जीएसटी अधिनियम, 2017 च्या अंतर्गत सरकारने 2019-20 या आर्थिक वर्षासाठी वार्षिक परतावा सादर करण्याची अंतिम तारीख 28 फेब्रुवारीपर्यंत वाढविली आहे. प्राप्तिकर विभागाने ही माहिती दिली आहे. ज्यांच्या खात्यांचे लेखापरीक्षण होणे आवश्यक आहे अशा करदात्यांकरिता मूल्यांकन 2019 – 20 साठी आयकर विवरणपत्र भरण्याची अंतिम मुदत 15 फेब्रुवारी केली आहे. विवाद-से विश्वास योजनेंतर्गतल घोषित करण्याची अंतिम तारीखदेखील 31 डिसेंबर 2020 वरून 31 जानेवारी 2021 पर्यंत वाढविण्यात आली आहे.
Deadline for filing income tax return for 2019-20 by companies extended by 15 days to Feb 15, 2021: Govt
— Press Trust of India (@PTI_News) December 30, 2020
सीबीडीटीने जारी केले दीड लाख कोटींपेक्षा जास्त रिटर्न
केंद्रीय प्रत्यक्ष कर मंडळाने (सीबीडीटी) चालू आर्थिक वर्षात आतापर्यंत 1.56 लाख कोटी रुपयांपेक्षा जास्त परतावा जारी केला आहे. अधिकृत निवेदनानुसार 1 एप्रिल ते 27 डिसेंबरदरम्यान 1.33 कोटीहून अधिक करदात्यांना परतावा मिळाला आहे. प्राप्तिकर विभागाने एका ट्वीटमध्ये माहिती दिली की आतापर्यंत 1.31 कोटी वैयक्तिक करदात्यांना 50,554 कोटी रुपयांचे परतावे देण्यात आले आहेत.
Due date for furnishing of Income Tax Returns for the assessment year 2020-21 for taxpayers (including their partners) who are required to get their accounts audited has been extended to February 15: Finance Ministry https://t.co/NbQ8MeWrd4
— ANI (@ANI) December 30, 2020
त्याचबरोबर कॉर्पोरेट कराच्या 2.03 लाख प्रकरणांमध्ये 1.06 लाख कोटीचा परतावा देण्यात आला आहे. प्राप्तिकर विभागाने 2019 – 20 या आर्थिक वर्षासाठी आत्तापर्यंत भरलेल्या परताव्याची माहिती दिली. विभागानुसार 29 डिसेंबरपर्यंत एकूण 4.54 कोटी रिटर्न भरण्यात आले. आर्थिक वर्ष 2019-2020 साठी दंड न घेता परतावा भरण्याची अंतिम तारीख 31 डिसेंबर आहे. गेल्या वर्षी शेवटची तारीख 31 ऑगस्ट होती. शेवटच्या तारखेपर्यंत एकूण 5.65 लोकांनी परतावा दाखल केला होता.