भोपाळ : वृत्तसंस्था – देशभरात लोकसभेच्या रणधुमाळीत दररोज कोणता ना कोणता नेता वादग्रस्त विधान करत आहे. वादग्रस्त विधानामुळे देशातील राजकारण ढवळून निघाले आहे. काही दिवसांपूर्वी काँग्रेसचे नेते विनय कुमार पांडे यांची पंतप्रधान नरेंद्र मोदीवर टीका करताना जीभ घसरली. ‘भटके बैल म्हणजे मोदींचे वडील आणि भटक्या गायी म्हणजे मोदींची आई’, अशी वादग्रस्त टीका पांडे यांनी केली होती. आता भाजपचे मध्य प्रदेश अध्यक्षाची जीभ घसरली.
#WATCH Madhya Pradesh BJP President Rakesh Singh says, "Bhagvaa kabhi aatankwad nahi hota, bhagva dhaaran karne wala kabhi aatankwadi nahi hota, aatankwad to pyaar, tapasya aur balidaan ka prateek hota hai…" pic.twitter.com/7BzK5LhhNQ
— ANI (@ANI) April 24, 2019
भाजपचे मध्य प्रदेशमधील अध्यक्ष राकेश सिंग यांनी आज प्रचार सभेत दहशतवाद म्हणजे बलिदानाचे प्रतिक असल्याचे म्हटले आहे. खरतर राकेश सिंग यांना भगवा म्हणायचे होते. मात्र एकदम जोशात भाषण करत असताना त्यांची जीभ घसरली व ते भगव्या ऐवजी दहशतवाद बोलून चुकले.
भाजपच्या भोपाळच्या उमेदवार साध्वी प्रज्ञा सिंह ठाकूर यांना उमेदवारी दिल्यानंतर विरोधकांनी त्यांना दहशतवादी म्हटले होते. त्यांच्या टिकेला उत्तर देताना राकेश सिंह यांची जीभ घसरली. ‘भगवा कधीही दहशतवाद होऊ शकत नाही. भगवा धारण करणारी व्यक्ती कधीही दहशतवादी होऊ शकत नाही. दहशतवाद तर प्रेम, तपस्या आणि बलिदानाचे प्रतिक आहे.’ असे वक्तव्य राकेश सिंह यांनी केले आहे.