बलदेवगड : वृत्तसंस्था – खरगपूरचे भाजपचे आमदार राहुल सिंह लोधी यांच्या पजेरो गाडीने बलदेवगड मार्गावरील पपावनी गावाजवळ एका दुचाकीला धडक दिली. या अपघातात दुचाकीवरील दोघांचा जागीच मृत्यू झाला तर एकाचा झाशी येथील रुग्णालयात नेत असताना मृत्यू झाला. ही घटना सोमवारी दुपारी घडली असून घटनेनंतर संतप्त जमावाने टीकमगढ-बलदेवगढ रस्ता चार तासांसाठी रोखून धरला होता.
ब्रजेंद्र अहिरवार (वय-28) रवि अहिरवार (वय-27) आणि मदन अहिरवार (वय- 19) असे मृत्यू झालेल्यांची नावे आहेत. हे तिघे टीकमगढून बलदेवगढाकडे जात असताना हा अपघात झाला. अपघाताच्यावेळी आमदारांच्या गाडीने त्यांना मागून धडक दिली. रवीचे काका अच्छेलाल यांनी आरोप केला आहे की अपघाताच्यावेळी आमदार राहुलच कार चालवत होते.
अपघातानंतर संतप्त जमावाने राहुल सिंह लोधी यांच्यावर गुन्हा दाखल करण्याची मागणी करत रस्ता रोको केला. मात्र, प्रशासनाने समजाविल्यानंतर रस्ता वाहतुकीसाठी खुला करण्यात आला. राहुल सिंह हे माजी केंद्रीय मंत्री उमा भारती यांचे भाचे आहेत. पोलिसांनी राहुल सिंह लोधी यांच्यावर 304 अ, 279/337 आणि 184 अंतर्गत गुन्हा दाखल केला आहे.
दरम्यान, घटनेच्यावेळी आपण गाडी चलवत नव्हतो तर चालक गाडी चालवत होता असे आमदार राहुल सिंह लोधी यांनी सांगितले. तर मृतांच्या नातेवाईकांनी राहुल सिहं लोढी हेच गाडी चालवत असल्याचा दावा केला आहे. लोधी यांनी गावातील लोक आपल्याला अडकविण्याचा प्रयत्न करत असल्याचा आरोप केला असून या प्रकरणाशी माझा काहीही संबंध नसल्याचे लोढी यांनी सांगितले.
Visit : Policenama.com
- केस गळतीच्या समस्येने त्रस्त आहात का? मग रोज ‘हे’ आवश्य खा
- घरच्याघरी तयार करा बाम, डोकेदुखीवर आहे रामबाण, अशी आहे पद्धत
- प्रथमच प्रणायाचा आंनद घेताय ? मग ‘या’ गोष्टी लक्षात ठेवा, अशी घ्या काळजी
- घसा दुखतोय ? मग करा ‘हे’ खास घरगुती उपाय, ताबडतोब मिळेल आराम
- फॅशन करा पण, आरोग्यावर परिणाम होणार याची काळजी घ्या, ‘हे’ आहेत परिणाम
- ‘हे’ घरगुती उपाय केल्यास खोकला होईल गायब ! आवश्य करून पहा
- ज्येष्ठांनी घ्यावी काळजी, अन्यथा ‘हा’ आजार ठरू शकतो घातक,अशी घ्या काळजी
- उपाशीपोटी खा ‘ही’ ४ फळे, राहाल निरोगी, हृदयासह पचनाचे आजार होतील दूर