PM मोदींच्या वाढदिवसानिमित्त भाजपाचा ‘सेवा सप्ताह’ !
पोलिसनामा ऑनलाईन – पंतप्रधान नरेंद्र मोदी यांच्या वाढदिवसानिमित्त भारतीय जनता पक्षाकडून 14 ते 20 सप्टेंबर या आठवड्यात ‘सेवा सप्ताह’चे आयोजन करण्यात आले आहे. 17 सप्टेंबरला पंतप्रधान मोदी यांचा 70 वाढदिवस आहे. यासाठी भाजापाकडून विशेष तयारी केली जात आहे.
Bharatiya Janata Party (BJP) to celebrate Prime Minister Narendra Modi's birthday on 17 September by observing 'Seva Saptah' from 14-20 September. (File pic) pic.twitter.com/1MCfxoHv12
— ANI (@ANI) August 30, 2020
सेवा सप्ताह अंतर्गत भाजपाकडून देशभरात विविध सामाजिक उपक्रमांचे आयोजन केले जात आहे. भाजपा अध्यक्ष जेपी नड्डा यांनी देखील कार्यकर्त्यांना सूचना केली आहे. पक्षाकडून सर्व देशभरातील सर्व भाजप प्रदेशाध्यक्षांना सेवा सप्ताह दरम्यान कोणते कार्यक्रम घेतले जावे यासंदर्भात एक पत्रक देखील पाठवण्यात आलेले आहे. सेवा सप्ताह अंतर्गत घेतल्या जाणार्या कार्यक्रमांची यादी व सामाजिक उपक्रमांसदर्भात माहिती देण्यात आलेली आहे. पंतप्रधान मोदी यांचा यंदा 70 वा वाढदिवस असल्याने, भाजपाकडून आयोजन करण्यात आलेल्या कार्यक्रमांसाठी देखील ‘सेव्हन्टी’ ही थीम ठरवण्यात आली आहे.परिपत्रकानुसार ठरवण्यात आलेल्या कार्यक्रमांमध्ये देशभरातील प्रत्येक मंडळातील पात्र 70 व्यक्तींना कृत्रिम हात-पाय व अन्य आवश्यक साहित्य दिले जाणार आहे. 70 अंध व्यक्तिंना चष्मे दिले जाणार आहेत. याशिवाय भाजपाचे नेते कोविडच्या पार्श्वभूमीवर जारी करण्यात आलेल्या सूचनांचे पालन करत 70 रुग्णालयांमध्ये व गरीब वस्तीत फळवाटप देखील करणार आहेत.