चीन-पाकिस्तानसोबत कधी होईल युध्द हे PM मोदींनी ठरवलंय, उत्तरप्रदेशच्या भाजपा अध्यक्षांनी सांगितलं

नवी दिल्ली : वृत्तसंस्था – उत्तर प्रदेश भारतीय जनता पक्षाचे अध्यक्ष स्वतंत्र देव सिंह म्हणाले की, पंतप्रधान नरेंद्र मोदी यांनी पाकिस्तान आणि चीनशी कधी लढायचे हे ठरवले आहे. स्वतंत्र देव सिंह यांचे विधान शुक्रवारी अशा वेळी आले जेव्हा लडाखमधील वास्तविक नियंत्रण रेषेवरील भारतीय आणि चिनी सैनिकांमध्ये तणाव आहे. स्वतंत्र देव सिंह यांनी सर्वोच्च न्यायालयाच्या निर्णयानंतर घटनेच्या कलम 370 अंतर्गत अयोध्येत राम मंदिर बांधणे आणि जम्मू-काश्मीरचा विशेष दर्जा रद्द करण्याबाबत आपला दावा ठामपणे मांडला.

वृत्तसंस्था पीटीआयच्या वृत्तानुसार स्वतंत्र देव सिंह म्हणाले, राम मंदिर आणि अनुच्छेद 370 प्रमाणे पंतप्रधान मोदींनी पाकिस्तान आणि चीनशी युद्ध कधी करायचे याचा निर्णय घेतला आहे. सोशल मीडियावरील व्हायरल व्हिडिओमध्ये स्वतंत्र देव यांना हे बोलताना ऐकले जाऊ शकतो. व्हिडिओमध्ये ते म्हणत आहेत की ‘युद्धाशी संबंधित तारीख निश्चित आहे’. वास्तविक, बलिया येथे भाजपचे आमदार संजय यादव यांच्या घरी आयोजित कार्यक्रमात स्वतंत्र देव सिंह बोलत होते. हा व्हिडिओ संजय यादव यांनी प्रसिद्ध केला आहे. भाषणात स्वतंत्र देव सिंह यांनी समाजवादी पार्टी आणि बहुजन समाज पक्षाच्या कार्यकर्त्यांची तुलना दहशतवाद्यांशी केली. मात्र, प्रदेशाध्यक्ष भाजपा अध्यक्षांच्या विधानाबाबत विचारले असता स्थानिक खासदार रवींद्र कुशवाह यांनी सांगितले कि, कार्यकर्त्यांना उत्तेजन देण्यासाठी यांनी असे म्हंटले. स्वतंत्र देव यांची ही टिप्पणी भारताच्या भूमिकेपेक्षा वेगळी आहे.

रविवारी संरक्षणमंत्री राजनाथ सिंह यांनी चीनशी सीमा तणाव संपवायचा आहे, असा पुनरुच्चार केला. राजनाथ सिंह म्हणाले की, सीमेवर कोणालाही “एक इंच” जमीनही घेण्याची परवानगी देणार नाही.

वादग्रस्त आमदारावर करण्यात आला फुलांचा वर्षाव
स्वतंत्र देव सिंह यांनी यापूर्वी बलिया गोळीबारातील मुख्य आरोपीच्या बाजूने निवेदन करणारे भाजपचे आमदार सुरेंद्र सिंह यांच्यावर फुलांचा वर्षाव केला होता, तर मुख्य आरोपीच्या बाजूने निवेदन दिल्यानंतर सुरेन्द्र सिंग यांना पक्षाकडून कारणे दाखवा नोटीस देण्याबाबत म्हंटले गेले. असे असूनही सुरेंद्र सिंह बलिया येथे प्रदेश भाजपा अध्यक्षांसह मंचावर उपस्थित होते. या व्यासपीठावर स्वतंत्र देव सिंह यांनी सुरेंद्र सिंगवर पुष्पवृष्टी केली.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा. WhatsAPP

You might also like