व्हायरल होणाऱ्या ‘या’ कोरियन गाण्यात ‘गणपती’ची मूर्ती, खळबळ उडल्यानंतर झालं असं काही (व्हिडीओ)

नवी दिल्ली : वृत्तसंस्था –  साउथ कोरियन म्युझिक ग्रुप ब्लॅकपिंकची फॅन फॉलोविंग जगभरात आहे. लोक ब्लॅकपिंकचे म्युझिक व्हिडिओ प्रदर्शित होण्याची आतुरतेने वाट पाहत असतात. ब्लॅकपिंकने 2020 मध्ये एक नवीन व्हिडिओ गाणे प्रसिद्ध केले आहे. हे व्हिडिओ गाणे रिलीज होताच त्याने इंटरनेटवर धुमाकूळ घातला आहे. एकीकडे गाणे मोठ्या संख्येने पाहिले जात असून त्याने अनेक रेकॉर्ड्स मोडीत काढले आहेत, तर दुसरीकडे ब्लॅकपिंकला हिंदू धर्मातील गणेशाच्या मूर्तीचा गैरवापर केल्याबद्दलही बरीच टीका सहन करावी लागत आहे.

वास्तविक, जेव्हा भारतीय चाहत्यांनी ब्लॅकपिंकचे नवीन गाणे सॉंग हाऊ यू लाइक दॅट पाहिले तेव्हा त्यांची दृष्टी व्हिडिओमध्ये वापरल्या जाणार्‍या गणपतीच्या पुतळ्याकडे गेली. यानंतर लगेचच #Ganesha and #YGApologise सारख्या हॅशटॅगचे ट्रेंडिंग सुरू झाले. यानंतर गाण्यातून गणेश मूर्तीचा भाग काढून त्या जागी काळ्या रंगाची सिलेंड्रिकल गॅसची टँक वापरली गेली.

हे गाणे खूप वेगाने व्हायरल होत आहे. हे व्हिडिओ गाणे 26 जून रोजी प्रसिद्ध झाले. गाण्याने 10 दिवसात सुमारे 230 मिलियनच्या आसपास व्ह्युज मिळवले आहेत. भारतात व्हिडीओवर टीका झाल्यानंतर ब्लॅकपिंकच्या भारतीय चाहत्यांनी ट्विटरवर एक निवेदन प्रसिद्ध केले. त्यात असे स्पष्टपणे नमूद केले आहे की ते अशा सांस्कृतिक अधोगतीस स्वीकारणार नाहीत आणि या प्रकरणात वायजी एंटरटेनमेंटकडे तक्रार करतील.

यापूर्वीही असे झाले आहे

दक्षिण कोरियाच्या गाण्यामुळे हिंदूंच्या भावना दुखावण्याची ही पहिली वेळ नाही. यापूर्वी 2017 मध्ये गायक ली ह्योरीने डांस रूटीन परफॉर्म केला होता. हिंदी प्रार्थना गायत्री मंत्राचा त्यात समावेश होता. हिंदू धर्माच्या अनुयायांनाही याबद्दल वाईट वाटले. या गाण्यात हिंदू धर्माची प्रतिमा डागाळण्याचा आरोप करण्यात आला होता. त्यादरम्यान सिंगरने आपल्या बचावामध्ये असे सांगितले की ती असे करते कारण तिच्यावर भारतीय संस्कृतीचा जास्त प्रभाव आहे.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
WhatsAPP
You might also like