‘बिग बी’चा वाढदिवस अमिताभ बच्चन मंदिरात साजरा करण्यात आला, ‘बच्चन’ चालीसा नंतर यज्ञाचंही केलं आयोजन
मुंबई – बॉलिवूडचा शहंशहा म्हणजेच अमिताभ बच्चन) 78 वर्षांचे झाले आहेत. रविवारी, 11 ऑक्टोबर रोजी त्यांनी आपला 78 वा वाढदिवस कुटुंबीयांसह साजरा केला. यावेळी कोरोना काळात, त्यांनी त्यांच्या चाहत्यांचे अभिनंदन आणि प्रेम केल्याबद्दल त्यांचे आभार मानण्यासाठी तंत्रज्ञानाचा वापर केला. अमिताभ बच्चन यांचा वाढदिवस सर्वत्र मोठ्या उत्साहात साजरा करण्यात आला. दरम्यान, कोलकाता येथील अमिताभ बच्चन मंदिरात त्यांचा वाढदिवस साजरा करण्यात आला. तेही कोरोना विरुद्ध नियमांचे पालन करत.
प्रत्येक वेळी मंदिरात बिग बीचा वाढदिवस मोठ्या थाटामाटात साजरा करण्यात येतो. हवन, पूजा झाल्यानंतर बिग बीचा केक कापला गेला. मात्र, कोरोना विषाणूमुळे अमिताभ बच्चन यांचा वाढदिवस वेगळ्या प्रकारे साजरा करण्यात आला. येथे प्रथम अमिताभ बच्चन चालीसाचे पठण करण्यात आले, त्यानंतर आरती करण्यात आली. यानंतर, बिग बीच्या चाहत्यांनी कोरोना कालावधीत सर्व समस्यांसह झगडत असलेल्या लोकांना मदत करण्यासाठी एक हजार मास्क, सॅनिटायझर्स आणि राशनचे वितरण केले.
कोलकात्यात अमिताभ बच्चनचे चाहते त्यांना गुरु म्हणतात. 2001 मध्ये येथे अमिताभ बच्चन यांचे मंदिर बांधले गेले. ज्यानंतर बिग बीचा वाढदिवस दरवर्षी इथे मोठ्या उत्साहात साजरा केला जातो. पूजा मोठ्या प्रमाणात आयोजित केली जाते. तेथे हवन, यज्ञ आणि आरती नंतर भंडारेही आयोजित करण्यात येते. तथापि, कोरोना व्हायरसमुळे काहीही होऊ शकले नाही. यावेळी फक्त मंदिरातील मुख्य सदस्यांनाच या पूजेमध्ये भाग घेण्याची संधी मिळाली. ज्यानी बिग बी बरोबर पूजा केली आणि नंतर गरजूंमध्ये सॅनिटायझर्स, मास्क वितरण केले.