Unlock Cinema Halls : 6 महिन्यांत अंदाजे 9000 कोटींचे नुकसान, निर्मात्यांनी दिलं सरकारला ‘हे’ निवेदन
मुंबई, पोलीसनामा ऑनलाईन : कोरोना विषाणूच्या साथीच्या रोगाने मनोरंजन क्षेत्राचे कंबरडे मोडले आहे. चित्रपट ग्रहांच्या मालकाचे सर्वात जास्त नुकसान झाले आहेत. सिंगल स्क्रीन थिएटर आणि मल्टिप्लेक्समध्ये काम करणारे कर्मचारी बेरोजगार आहेत. आता बॉलिवूड निर्मात्यांनीही सिनेमा मालकांच्या आवाजासह सरकारला आवाहन केले आहे की, चित्रपटगृहे सुरू करुन लोकांना रोजगारात परत आणले जाऊ शकते.
बॉलिवूड निर्मात्यांची संस्था प्रोड्यूसर्स ऑफ गिल्डच्या वतीने जारी केलेल्या निवेदनात म्हटले आहे की, चित्रपटगृह बंद पडल्यामुळे सिनेमा प्रदर्शक उद्योगात दरमहा सुमारे 1500 कोटींचे नुकसान होत आहे. यामुळे 6 महिन्यांच्या लॉकडाऊनमध्ये अंदाजे 9000 कोटींचे नुकसान झाले आहे. महत्वाचे म्हणजे देशभरात सुमारे 10,000 स्क्रीन आहेत. या क्षेत्रात 2 लाखाहून अधिक लोक रोजगार आहेत, तर अप्रत्यक्षपणे हे क्षेत्र लाखो लोकांना रोजगार देते. चित्रपटगृहे बंद झाल्याने प्रदर्शक उद्योगाची अवस्था बिकट झाली आहे. अनलॉक इंडिया अंतर्गत मॉल्स, एअरलाइन्स, रेल्वे, रिटेल, रेस्टॉरंट्स आणि जिम पुन्हा उघडण्यात आल्या आहेत. नुकत्याच जाहीर केलेल्या अनलॉक 4 ला मेट्रो आणि बार उघडण्याची परवानगी देण्यात आली आहे.
Dreams come to life with movies on the big screen. There are millions behind the screen who make that happen. Jobs are at stake. Can’t wait for cinemas to reopen! pic.twitter.com/FdYp46tGQR
— Producers Guild of India (@producers_guild) September 15, 2020
स्वच्छता आणि गर्दी व्यवस्थापन राखण्यासाठी थिएटरमध्ये चांगली संसाधने आहेत. ते सामाजिक अंतराचे अनुसरण करण्यास सक्षम आहेत. सद्य परिस्थितीत चित्रपटगृहे कशी सुरक्षित आहेत हे या निवेदनात स्पष्ट केले आहे.
– इतर ठिकाणांपेक्षा चित्रपटगृहात त्याच लोकांना प्रवेश दिला जातो, ज्यांच्याकडे एन्ट्री तिकीट आहे.
– चित्रपटांच्या शोच्या वेळेमध्ये फरक आहे, ज्यामुळे गर्दी होऊ शकत नाही.
– एन्ट्री आणि एक्सिट दरवाजे नियंत्रित केले आहेत.
– प्रतीक्षा करण्याच्या ठिकाणी पुरेशी जागा आहे.
सिनेमाहॉल खासगीरित्या व्यवस्थापित केले जाते, म्हणून आवश्यक सूचनांचे अनुसरण करणे शक्य आहे. इतर देशांचा हवाला देत म्हटले की, सुरक्षेच्या निकषांचे पालन करून चीन, कोरिया, ब्रिटेन, फ्रान्स, इटली, स्पेन, युएई, यूएसए, सिंगापूर, मलेशिया, श्रीलंका येथे थिएटर सुरू झाले आहेत. सुमारे 85 देशांमध्ये थिएटर सुरू झाल्याने प्रेक्षकांचा उत्साहजनक प्रतिसाद मिळाला आहे.
दरम्यान थिएटर बंद पडल्यामुळे असे अनेक चित्रपट ओटीटी प्लॅटफॉर्मवर रिलीज झाले आहेत, जे यापूर्वी मोठ्या पडद्यावर दिसणार होते. यामध्ये गुलाबो सीताबो, गुंजन सक्सेना, लूटकेस, सडक 2 , शकुंतला देवी या चित्रपटांचा समावेश आहे. येत्या काही वर्षांत द बिग बुल, लक्ष्मी बॉम्बसह आणखी काही चित्रपट ओटीटीवर रिलीज होणार आहेत.