Covid-19 : 65 वर्षापुढील कलाकार देखील करू शकतात शुटिंग, हायकोर्टानं रद्द केला ठाकरे सरकारचा आदेश

नवी दिल्ली : वृत्तसंस्था –  मुंबई उच्च न्यायालयामुळे ६५ वर्षांहून अधिक वयाच्या कलाकार आणि टेक्निशियन्सना मोठा दिलासा मिळाला आहे. आता ज्येष्ठ कलाकार सेटवर परत जाऊ शकतील आणि शूटमध्ये भाग घेऊ शकतील.

कोविड-१९ महामारीच्या पार्श्वभूमीवर महाराष्ट्र उच्च न्यायालयाने ६५ वर्षांवरील कलाकार आणि टेक्निशियन्सना शूटिंग करण्यास बंदी घालण्याच्या महाराष्ट्र सरकारच्या आदेशाला रद्दबातल केले आहे.

न्यायमूर्ती एस.जे. कथावाला आणि न्यायमूर्ती आर.आय. चागला यांच्या खंडपीठाने ३० मे आणि २३ जून रोजी देण्यात आलेल्या सरकारी एडव्हायजरीवर आपला निर्णय दिला आहे. मात्र खंडपीठाने हे स्पष्ट केले आहे की, चित्रपट आणि टीव्ही उद्योगात काम करणाऱ्या ६५ प्लस लोकांसाठी उर्वरित एडव्हायजरी समान राहील. इंडियन फिल्म अँड टीव्ही डायरेक्टर्स असोसिएशनचे अध्यक्ष अशोक पंडित यांनी ट्विट करून या निर्णयाची माहिती दिली आणि अभिनंदन केले.

त्यांनी लिहिले- इम्पाला महाराष्ट्र शासनाच्या जीआर विरोधात खटला जिंकण्यासाठी अभिनंदन, ज्यामध्ये ६५ वर्षांवरील कलाकारांना काम करण्यास प्रतिबंधित केले गेले होते. हे मूलभूत अधिकाराच्या विरुद्ध होते. हा निर्माते, टेक्निशियन्स आणि कर्मचारी यांच्यासाठी मोठा दिलासा आहे.

महाराष्ट्र सरकारच्या आदेशाविरुद्ध टीव्ही आर्टिस्ट प्रमोट पांडे (७० वर्षे) आणि इंडियन मोशन पिक्चर्स प्रोड्यूसर असोसिएशनने वकील अशोक सराओगी यांच्यामार्फत याचिका दाखल केली होती, त्यावर हायकोर्टाने निर्णय दिला. या दोन्ही याचिका मिशन बिग अगेन इनिशिएटिव्ह अंतर्गत दाखल करण्यात आल्या होत्या. महाराष्ट्र सरकारने यापूर्वी खंडपीठाला सांगितले होते की, अशा प्रकारची बंदी कलाकारांच्या हितासाठीच घालण्यात आली आहे, जेणेकरुन ते कोरोना विषाणू महामारी टाळू शकतील.

मुंबई उच्च न्यायालयाच्या या निर्णयामुळे चित्रपट आणि टीव्ही उद्योगातील अनेक कलाकारांना दिलासा मिळणार आहे. त्यात अमिताभ बच्चन यांच्यासह असे अनेक कलाकार आणि चित्रपट निर्माते आहेत, ज्यांनी ६५ चा टप्पा ओलांडला आहे, परंतु चित्रपटसृष्टीत सक्रिय आहेत आणि आजही आपल्या कामाने आश्चर्यचकित करतात.