Kangana Ranaut च्या PoK बद्दलच्या विधानावर भडकल्या रेणुका शहाणे, ‘पंगा क्वीन’नं सुनावलं असं काही, जाणून घ्या
मुंबई, पोलीसनामा ऑनलाईन : कंगना रणौत गेल्या काही काळापासून चर्चेत आहे. सुशांत प्रकरणात प्रथम नेपोटिझम आणि नंतर बॉलिवूडच्या ड्रग्स अँगलवर वक्तव्य केल्यानंतर नुकतेच त्यांनी मुंबईची तुलना पीओकेशी केली, त्यानंतर सोशल मीडियावर वापरकर्त्यांसह बॉलिवूड सेलेब्स देखील ‘पंगा गर्ल’ ला ट्रोल करत आहेत. कंगनाच्या याच ट्विटनंतर ‘हम आपके हैं कौन’ चित्रपटाची अभिनेत्री रेणुका शहाणेने कंगनाला घेरले तर कंगनाने त्यांना चांगलेच सुनावले.
वास्तविक, कंगनाच्या पीओकेच्या ट्विटनंतर अभिनेत्री रेणुका शहाणे यांनी ट्वीट करून अभिनेत्रीवर निशाणा साधला आणि म्हणाल्या, ‘मुंबई ते शहर आहे जिथे तुमचे बॉलीवूड स्टार बनण्याचे स्वप्न पूर्ण झाले! अशा परिस्थितीत कोणीही या अद्भुत शहराबद्दल तुमच्याकडून नक्कीच काही आदराची अपेक्षा जरूर करेल. आपण मुंबईची तुलना पीओकेशी कशी केली याबद्दल खूप वाईट वाटते. यासह त्यांनी रागावणारा इमोजी शेअर केला.’
Dear @renukash ji when did criticising the poor administration of a government became equal to the place being administered , I don’t believe you are that naive, were you also waiting like a blood thirsty vulture to pounce and get a piece of my meat ? Expected better from you 🙂 https://t.co/wkR7u05rTB
— Kangana Ranaut (@KanganaTeam) September 3, 2020
रेणुका शहाणे यांच्या या ट्वीटनंतर कंगनाने प्रत्युत्तर दिले आणि लिहिले, ‘प्रिय रेणुका जी, एखाद्या ठिकाणच्या वाईट कारभाराचा निषेध करणे हे त्या शहराची किंवा ठिकाणची निंदा करणे कसे झाले? काय तुम्हीही रक्ताने तहानलेल्या त्या गिधाडांप्रमाणे माझ्या देहाचे तुकडे मिळण्याची वाट पाहत होता का? मला तुमच्याकडून ही अपेक्षा नव्हती.’
Dear @KanganaTeam I am all for criticizing Govts. But "why Mumbai is feeling like POK" seems to me like a direct comparison between Mumbai & POK. Your comparison was really in bad taste. As a Mumbaikar I did not like it! Maybe it was naive of me to expect any better from you. https://t.co/E9feLKsurv
— Renuka Shahane (@renukash) September 3, 2020
कंगनाच्या या ट्विटवर रेणुका नंतर उत्तर देताना म्हणाल्या, ‘@KanganaTeam मी सरकारवर टीका करण्यास तयार आहे, पण मुंबई पीओकेसारखे का वाटत आहे? मला मुंबई आणि पीओके यांच्यात थेट तुलना झाल्यासारखे वाटते. तुमची तुलना वास्तवात वाईट होती. मुंबईकर म्हणून मला ते आवडलं नाही! कदाचित तुमच्याकडून कशाचीही अपेक्षा करणे चुकीचे होते.’ दरम्यान दोन्ही अभिनेत्रींमध्ये होणाऱ्या या चर्चेकडे लोकांचे लक्ष लागून आहे. सोशल मीडिया वापरकर्ते दोन्हींच्या चर्चेमध्ये चिमटा काढण्याचे काम करत आहेत.