नवी दिल्ली : वृत्तसंस्था – कौन बनेगा करोडपती बद्दल एक व्हिडिओ सोशल मीडियावर समोर आला आहे, ज्यामध्ये अभिनेत्री सारा अली खान दिसत आहे. तुम्हालाही आश्चर्य वाटले असेल की सारा अली खान केबीसीला केव्हा गेली होती? पण हा व्हिडिओ बरीच वर्ष जुना आहे, ज्यामध्ये सारा अली खान तिचे वडील सैफ अली खानसमवेत केबीसीच्या सेटवर आली होती. या व्हिडिओमध्ये सारा अली खान खूपच वेगळी दिसत असून तिला ओळखणेही अवघड आहे.
या व्हिडिओमध्ये सैफ अली खान हे अमिताभ बच्चन यांच्यासमोर हॉट सीटवर बसून प्रश्नांची उत्तरे देत असल्याचे दिसून येत आहे. त्याचवेळी प्रेक्षकांमध्ये सारा अली खान बसली आहे, जी की बरीच छोटी दिसत आहे. साराबरोबर तिची एक मैत्रीण देखील होती. यादरम्यान अमिताभ बच्चन सारा अली खानशी बोलतात आणि साराला आदाब करण्यास सांगतात. सारा देखील त्यांना आदाब करते.
https://www.instagram.com/p/B9ohSlmJdUy/?utm_source=ig_embed
या व्हिडिओमध्ये सारा अली खान खूपच गोंडस दिसत आहे आणि लोक तिला खूप पसंत करत आहेत. व्हिडीओमध्ये दिसत आहे की सारा खूपच हेल्दी दिसत आहे. तथापि, आता सारा अली खानने कठोर परिश्रम करून स्वत:ला तंदुरुस्त केले आहे आणि आता ती तिच्या बोल्ड आणि ग्लॅमरस स्टाईलमुळे चर्चेत देखील आहे. तसेच या व्हिडिओमध्ये तिची मैत्रीण देखील सारासोबत प्रेक्षकांमध्ये बसलेली दिसत आहे, तिच्यासोबत देखील अमिताभ बच्चन बोलतात.
केबीसीचे अनेक सीझन आले आहेत आणि बर्‍याच वर्षांपासून सलग अमिताभ बच्चन हा शो होस्ट करीत आहेत. त्याचवेळी सारा अली खानच्या वर्कफ्रंटबद्दल बोलायचे झाले तर सारा अली खानने नुकताच कार्तिक आर्यनसोबत ‘लव आज कल’ हा चित्रपट केला होता. आता लवकरच सारा अली खान कुली नंबर-1 आणि अतरंगी मध्ये दिसणार आहे. यापूर्वी सारा अली खानच्या बालपणीची बरीच छायाचित्रे आली आहेत, पण व्हिडिओ फार कमी शेअर केले आहेत.