Mallika Sherawat : ‘या’ कारणामुळं 20-30 सिनेमे हातातून निसटले, मल्लिका शेरावतनं स्वतः सांगितलं

पोलीसनामा ऑनलाइन टीम  –   बॉलिवूड अभिनेत्री मल्लिका शेरावत हिने अनेक चित्रपटांद्वारे बोल्ड सीन्ससोबत चित्रपट जगतात आपली ओळख निर्माण केली. आपल्या स्टाईलने लोकांची मने जिंकणाऱ्या मल्लिकाने अलीकडेच सांगितले की, का तिला 20-30 चित्रपटांतून हात सोडावा लागला. मोठ्या पडद्यावर आपल्या बोल्ड सीनने आग लावणाऱ्या मल्लिका शेरावतने सांगितले की, काम माझ्या हातातून गेलं कारण पडद्यावर एक पात्र म्हणून मी जे करते ते माझ्यापेक्षा अगदी वेगळं आहे., जे मी खऱ्या आयुष्यात आहे. मला सुरुवातीपासूनच एक मर्यादा ठरवायची होती आणि त्याची किंमत मला त्या चित्रपटांतून चुकवावी लागली.

अभिनेत्री मल्लिका म्हणाली की, माझ्या अटींनुसारही मला काम आणि चांगल्या संधी मिळू शकतात याचा मला आनंद आहे. तिने म्हंटले कि, आज मला वाटते की हा चित्रपट उद्योग अधिक संघटित झाला आहे आणि महिला चांगल्या चित्रपटांचे नेतृत्व करत आहेत, हे एक आशादायक चिन्ह आहे.

मल्लिकाने सांगितले की, ती सुशिक्षित कुटूंबातील आहे पण त्यानंतरही तिच्याकडे कमी व्यक्तीप्रमाणेच वागणूक मिळाली. ते म्हणाले, मी सुशिक्षित कुटुंबात वाढले आहे, परंतु मला कमी लेखले जायचे. समान संधी मिळणे फार महत्वाचे आहे.

ते म्हणाले की, मला काम मिळवण्यासाठी खूप कष्ट करावे लागले आणि आज, माझ्या कामामुळे मला ते सर्वकाही दिल, जे माझ्याजवळ आहे. दरम्यान, मल्लिका बॉलिवूडमध्ये ख्वाहिश, मर्डर, शादी से पहले, डरना जरूरी है, वेलकम, अगली और पगली, थँक्यू, डर्टी पॉलिटिक्स आणि जीनत अशा बर्‍याच सिनेमांमध्ये बॉलिवूडमध्ये दिसली आहे.