Breastfeeding Nutrition Food | बाळाला देत असाल स्तनपान तर आहारात करा ‘या’ महत्वाच्या फूड्सचा समावेश

पोलीसनामा ऑनलाइन टीम – Breastfeeding Nutrition Food | नवजात बाळासाठी आईचे दूध हे सर्वोत्तम आहार आहे. आई आणि बाळ दोघांच्याही आरोग्यासाठी जन्मापासून ते 6 महिन्यांपर्यंत बाळाला स्तनपान देणे आवश्यक आहे. भारतीय आरोग्य मंत्रालय आणि जागतिक आरोग्य संघटनेने (थकज) देखील नवजात बाळाच्या जन्माच्या पहिल्या सहा महिन्यांसाठी विशेष स्तनपान देण्याची शिफारस केली आहे. (Breastfeeding Nutrition Food)

जर तुम्ही नवजात बाळाला दूध पाजत असाल तर तुमच्या आरोग्याची विशेष काळजी घ्या. जर आईने पोषक तत्वांनी समृद्ध आहार घेतला तरच आईच्या दुधात वाढ होईल आणि मूल निरोगी राहील. मात्र, स्तनपान करणार्‍या मातेच्या आरोग्यासाठी कोणते पदार्थ आणि पेय चांगले आहेत असा प्रश्न तुमच्या मनात निर्माण होऊ शकतो.

स्तनपान करणार्‍या मातांना त्यांच्या दैनंदिन कॅलरीचे प्रमाण वाढवावे लागेल. स्तनपानाच्या पहिल्या सहा महिन्यांत आईने अतिरिक्त 330 ते 400 कॅलरीज वापरणे आवश्यक आहे. आईच्या कॅलरीची गरज शरीराचे वजन आणि बॉडी मास इंडेक्स (इचख) वर आधारित असते. (Breastfeeding Nutrition Food)

असा असावा स्तनपान करणार्‍या आईचा आहार

– आहारात जास्त कॅलरीचे सेवन करा. स्तनपान करणार्‍या मातांनी त्यांच्या आहारातील कॅलरीजचे प्रमाण वाढवण्यासाठी पोषक तत्वांनी युक्त पदार्थ सेवन केले पाहिजेत. आहारात धान्याचा ब्रेड घ्या, ब्रेडवर एक चमचा (सुमारे 16 ग्रॅम) पीनट बटर देखील खाऊ शकता. एक केळी किंवा सफरचंद आणि सुमारे 227 ग्रॅम दही खा.

– आईचे दूध वाढवण्यासाठी प्रोटीनयुक्त पदार्थ खा. मांस, अंडी, दुग्धजन्य पदार्थ, बीन्स, डाळ आणि सीफूड, विविध प्रकारची धान्य, फळे आणि भाज्या खा.

– तुम्ही स्तनपान करत असाल तर पाण्याची विशेष काळजी घ्या. दिवसातून जितक्या वेळा तुम्ही बाळाला दूध पाजता तितक्या वेळा एक ग्लास पाणी प्या.

– आपल्या आहारात कार्बोहायड्रेटयुक्त पदार्थांचा समावेश करा. कार्बोहायड्रेटयुक्त पदार्थ मिळवण्यासाठी आहारात गहू, बार्ली, ज्वारी, बाजरी, ओट्स यासारख्या धान्यांचा समावेश करा.

– प्रोटीनचे सेवन वाढवा. प्रोटीनयुक्त आहारात मूगडाळ, तूरडाळ, सोया, राजमा, छोले आणि मोड आलेल्या कडधान्यांचा समावेश करा.
दूध, लो फॅट चीज, कॉटेज चीज, बटर मिल्क, दही यांचा आहारात समावेश करा.

– आहारात राजगिरा, मेथी, पालक यांसारख्या हिरव्या पालेभाज्या जास्त प्रमाणात खा,
त्या आईचे दूध वाढवण्यासाठी गुणकारी आहेत.

– आयर्न, प्रोटीन आणि कॅल्शियम युक्त पदार्थ खा. आयर्नच्या चांगल्या स्रोतांमध्ये डाळ, तृणधान्ये,
हिरव्या पालेभाज्या, मटार आणि मनुका यांसारखी सुकी फळे यांचा समावेश होतो.

फक्त आणि फक्त आरोग्याच्या (हेल्थ) बातम्यांसाठी ज्वाईन करा आमचा स्पेशल टेलिग्राम ग्रुप, फक्त क्लिक करा

(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही.
त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)

Web Title :- Breastfeeding Nutrition Food | diet tips for breastfeeding mother knows the best nutrition food for child good health

Join our WhatsApp Group, Telegram, facebook page and Twitter for every update

हे देखील वाचा

Crack Heels Remedies | घरीच बर्‍या करू शकता भेगा पडलेल्या टाचा, ‘या’ आहेत पद्धती

Diabetes | डायबिटीजचा धोका ‘या’ 6 लोकांना जास्त, तुमचा सुद्धा यामध्ये समावेश नाही ना?

Maratha Reservation | ओबीसी आरक्षण बाबत बोलताना तारतम्य बाळगा, मराठा क्रांती मोर्चाचा तानाजी सावंत यांना निर्वाणीचा इशारा