पिंपरी : पोलीसनामा ऑनलाइन – जागेच्या कारणावरुन असलेल्या वादात सख्या भावाने डोक्यात दगड घालून आपल्या भावाला जीवे मारण्याचा प्रयत्न केला. मुळशी तालुक्यातील म्हाळुंगे गावात शनिवारी सायंकाळी ही घटना घडली आहे. याप्रकरणी हिंजवडी पोलिसांनी ५ जणांवर खुनाचा प्रयत्न केल्याचा गुन्हा दाखल केला आहे.
दत्तात्रेय वामन पाडाळे, कुंदा दत्तात्रेय पाडाळे, तन्मय दत्तात्रेय पाडाळे, सायली दत्तात्रेय पाडाळे, दिगंबर जगन्नाथ पिंपळे (रा. म्हाळुंगे, ता. मुळशी) अशी गुन्हा दाखल झालेल्यांची नावे आहेत.
या घटनेत रखमाजी वामन पाडाळे हे गंभीर जखमी झाले आहेत. याप्रकरणी योगेश रखमाजी पाडाळे (वय २५, रा. म्हाळुंगे, ता. मुळशी) यांनी फिर्याद दिली आहे. रखमाजी आणि दत्तात्रेय पाडाळे हे दोघे सख्खे भाऊ आहेत. त्यांच्यात जागेच्या कारणावरुन वाद आहे. योगेश यांनी त्यांच्या स्वत:च्या घरासमोरील दगड, मुरुम असा राडारोडा कामगारांकडून काढून तो समोरच्या अमोल मोहोळ यांच्या जागेत टाकत होते. हा राडारोडा टाकायला अमोल मोहोळ यांनी संमती दिली होती. असे असताना दत्तात्रेय पाडाळे यांच्या घरातील सर्व जण आले व त्यांनी योगेश यांचे वडिल व दत्तात्रेय यांचे सख्खे भाऊ रखमाजी, योगेश व त्यांची आई यांना लाकडी दांडक्याने, लाथाबुक्क्यांनी मारहाण करण्यास सुरुवात केली. या भांडणात दत्तात्रेय याने रखमाजी यांच्या डोक्यात दगड घालून त्यांना जीव मारण्याचा प्रयत्न केला. या भांडणात योगेश यांच्या आईचा हात फ्रॅक्चर झाला आहे.
- घाम जास्त येत असेल, तर आवश्य करून बघा ‘हे’ खास १३ उपाय
- पिस्ता खाल्ल्याने स्किन कँसरपासून होतो बचाव, जाणून घ्या असेच ६ फायदे
- सावधान ! चुकीच्या मालिशमुळे जाऊ शकतो जीव, लक्षात ठेवा ‘या’ ५ गोष्टी
- डोळ्यांची ‘ही’ समस्या झाल्यास करा ‘हे’ ८ घरगुती उपाय
- पुरुषांमधील ‘ब्रेस्ट कँसर’चे ६ मोठे संकेत, चुकूनही करू नका दुर्लक्ष
- ‘बेकिंग सोड्या’ने वाढवा सौंदर्य ! जाणून घ्या याचे १० अमेझिंग उपयोग
- ‘जापनीज वॉटर थेरेपी’ने वेगाने कमी होते वजन, फक्त असे प्यावे पाणी