पीयूष गोयल यांच्या भाषणाला सुरुवात होताच विरोधी बाकांवरील सदस्यांनी गोंधळ घालण्यास सुरुवात केली. त्यावेळी गोंधळ घालणाऱ्या विरोधकांना भाजपाच्या खासदारांनी विचारले, ‘हाउ इज द जोश ?’ दरम्यान, चित्रपटसृष्टीसाठी काही योजना जाहीर करताना अर्थमंत्री पियुष गोयल यांनी गेल्या काही दिवसांपूर्वी प्रदर्शित झालेल्या ‘उरी द सर्जिकल स्ट्राइक’ चित्रपटाचा उल्लेख केला.
त्यानंतर गोयल यांनी आपल्या भाषणात शेतकरी, कामगार, नोकरदार यांच्यासाठी एकामागोमाग एक घोषणा करण्यास सुरुवात केली. गोयल यांच्या प्रत्येक घोषणेचं कौतुक करत मोदी बाक वाजवत होते. त्यांचा हा मूड पाहून सत्ताधारी खासदारही जोशमध्ये आले. प्रत्येक घोषणेचं स्वागत करताना भाजप खासदारांनी ‘उरी’ चित्रपटातील ‘हाउज द जोश’ हा डायलॉग काही खासदारांनी विरोधकांकडं पाहून मारला.