bull
bull
ताज्या बातम्याजरा हटके

पाण्याच्या टाकीवर जाऊन उभा राहिला बैल, अन् लोक म्हणाले मौसी को बुलाओ रे…

पोलीसनामा ऑनलाईनः पाण्याची उंचच्या उंच टाकी पाहिली की सर्वात अगोदर मनात प्रश्न येतो, या टाकीवर माणसं चढतात तरी कसं ? कारण नागमोडी वळणाची ही टाकी पाहिल्यानंतर चढणारा तोल जाऊन पडल्यानंतर काय होईल याचा विचार सुद्धा केला जाऊ शकत नाही. पण अशातच सध्या सोशल मीडियावर या 60 फूट उंच पाण्याच्या टाकीवर जाऊन उभा राहिलेला बैलाचा फोटो व्हायरल होत आहे. टाकीवर उभा राहिलेला हा बैल पाहिल्यानंतर एवढ्या उंचावर हा बैल पोहोचला तरी कसा, हा विचार लोकांच्या मनात येत येत आहे. आयएफएस अधिकारी प्रवीण कासवान यांनी या फोटो सोशल मीडियावर शेअर केला आहे.

 

 

 

 

 

 

 

सोशल मिडियावर व्हायरल झालेल्या या फोटोला या फोटोला लोकांनी खूप पसंती दिली आहे. आतापर्यंत या फोटोला 2 हजारांपेक्षा जास्त लाईक्स आणि 165 पेक्षा जास्त रिट्विट्स मिळाले आहेत. लोकांनी या फोटोवर अनेक गमतीदार कमेंट्स केल्या आहेत. दरम्यान 2016 ला व्हायरल झालेला हा फोटो सध्या पुन्हा चर्चेत आला आहे. हा फोटो राजस्थानातील चुरू जिल्ह्यातील आहे. हा बैल 60 फूट उंच टाकीवर जाऊन उभा राहिला आहे. हा फोटो पाहून सगळ्यांनाच शोले चित्रपटातील धमेंद्रचा टाकीवर चढण्याचा सीन आठवला आहे. चित्रपटातील वीरू जसा मावशीच्या सांगण्यावरून खाली उतरण्यास तयार होतो. त्याचप्रमाणे या बैलाला खाली उतरवण्यासाठी ‘कोई मौसी को बुलाओ रे असे म्हणत आपली प्रतिक्रिया व्यक्त केली आहे.