नाशिकमध्ये ST बस आणि रिक्षाची ‘टक्कर’, दोन्ही वाहने ‘खोल’ विहिरीत पडली, 20 जणांचा मृत्यू (व्हिडीओ)
नाशिक/देवळा : पोलीसनामा ऑनलाइन – बस आणि अॅपे रिक्षाची समोरासमोर धडक होऊन झालेल्या भीषण अपघातातील मृतांची संख्या 20 झाली असून 20 जण जखमी झाले आहेत. सर्व मृत व्यक्ती बसमधील प्रवासी आहेत. अपघातातील मृतांची संख्या वाढण्याची शक्यता वर्तवण्यात येत आहे. कळवण आगाराची बस आणि रिक्षा यांच्यात समोरासमोर धडक झाल्यानंतर दोन्ही वाहने विहिरीत कोसळली. ही घटना आज (मंगळवार) दुपारी साडेतीनच्या सुमारास घडली. अपघाताची माहिती मिळताच अग्निशमन दल आणि पोलिसांनी घटनास्थळी धाव घेतली असून मदतकार्य सुरु आहे.
Death toll in collision between bus and auto-rickshaw in Maharashtra's Nashik district rises to 15: Police
— Press Trust of India (@PTI_News) January 28, 2020
मालेगाव येथून धोबीघाट मेशीकडे जात असताना या बसला अपघात झाला. कळवण डेपोची एसटी महामंडळाची उमराणे-देवळा बस आणि रिक्षाची समोरासमोर धडक झाली. बसचे टायर फुटल्याने बसने रिक्षाला धडक दिली. ही धडक एवढी भीषण होती की, अपघातानंतर बस रिक्षासह विहिरीत कोसळली. धोबीघाटजवळील देश-विदेश हॉटेल जवळ हा भीषण अपघात झाला आहे. बसमधील प्रवासी गंभीर जखमी झाल्याचे वृत्त आहे.
घटनेची माहिती मिळताच अग्निशमन दल आणि पोलिसांनी घटनास्थळी धाव घेतली. घटनास्थळी बचाव कार्य सुरु आहे. बसची मागील काच फोडून प्रवाशांना बाहेर काढण्यात आले. पाच तासांच्या अथक प्रयत्नानंतर 5 क्रेनच्या मदतीने विहिरीतून बस बाहेर काढण्यात आली आहे. बसमध्ये 43 प्रवासी होते आणि यामध्ये 7 मुलांचा समावेश असल्याची माहिती समोर येत आहे. सध्या घटनास्थळी बचाव कार्य सुरु आहे. जखमी झालेल्या प्रवाशांना मालेगाव देवळा तर काहींना उमराणे येथील शासकीय रुग्णालयात दाखल करण्यात आले आहे.
वाचलेल्या महिलांची प्रतिक्रिया
हा अपघात दुपारी साडेतीनच्या सुमारास घडला. अपघात झाला त्यावेळी नेमके काय घडलं याबद्दल समजलच नाही. फक्त बस विहिरीकडे जाताना दिसली. नेमकं काय होतंय हे काहीच कळलं नाही. विहिरीमध्ये बस पडल्यानंतर एकच गोंधळ उडाला. लहान-लहान मुलं होती. सगळेच आपला जीव वाचवण्यासाठी ओरडत होती. मी कशी बशी खिडकीला पकडून बाहेर आले अशी प्रतिक्रिया या अपघातातून बचावलेल्या एका महिलेने वृत्तवाहिनीला दिली आहे.
- फेसबुक पेज लाईक करा –
- वाढत्या वयात महिलांना होतात ‘या’ 6 समस्या ; असा करा बचाव !
- ‘ब्रेन स्ट्रोक’ टाळण्यासाठी करा ‘हे’ 7 उपाय, जाणून घ्या 12 लक्षणे
- ‘बॉडी डिटॉक्स’ म्हणजे काय ? बिघडले तर ‘हे’ 5 परिणाम होतात शरीरावर
- काय आहे ‘हर्निया’ आजार ? या 8 पद्धतीने घ्या काळजी
- भूकेवर नियंत्रण मिळवण्यासाठी ‘हे’ 5 पदार्थ ठरतील फायदेशीर !
- ALERT थंडीत वाढते वजन ! ‘या’ 6 उपायांनी ठेवा नियंत्रणात, ‘ही’ आहेत 5 कारणे