1 जुलैपासून बदलणार गॅस सिलेंडर, ATM, PF, सेव्हींग अकाऊंटसह इतर गोष्टींशी संबंधित ‘हे’ 10 नियम, जाणून घ्या
नवी दिल्ली : वृत्तसंस्था – 1 जुलै 2020 पासून भारतात बरेच मोठे बदल होणार आहेत. या बदलांचा परिणाम थेट तुमच्या जीवनावर होणार आहे. एककीकडे तुम्हाला या नवीन नियमांपासून फायदा मिळेल तर दुसरीकडे जर तुम्ही काही गोष्टींकडे लक्ष दिले नाही तर आपल्याला आर्थिक नुकसान होऊ शकते. यामध्ये एलपीजी सिलिंडर, अटल पेन्शन योजना, एमएसएमईची ऑनलाईन नोंदणी, PF मधून पैसे काढण्याचे नियम, किसान सन्मान निधीमध्ये नोंदणी, बचत खात्यांवरील पीएनबी व्याज दर, ATM मधून पैसे काढण्यावरील शुल्क इत्यादींचा समावेश आहे. जाणून घ्या 1 जुलैपासून कोणते आर्थिक व्यवहार बदलणार आहेत.
1. MSME ऑनलाइन नोंदणी
मायक्रो, लघु आणि मध्यम उपक्रम (एमएसएमई) 1 जुलैपासून ऑनलाईन नोंदणी करता येणार आहे. या संदर्भात सरकारने म्हटले होते की, ही नोंदणी स्वयंघोषित माहितीच्या आधारे असेल, त्यासाठी कागदपत्रे अपलोड करण्याची गरज भासणार नाही.
या संबंधित अधिकाऱ्यांनी सांगितले की, उद्योगांच्या नोंदणीची प्रक्रिया मिळकत कर आणि जीएसटी यांच्याशी जोडली जात आहे. याठिकाणी देण्यात येणाऱ्या माहितीची सत्यता पॅन नंबर आणी जीएसटीआयएनच्या तपशिलावरून पडताळून पाहिली जाईल. उद्योजकांना केवळ आधार क्रमांकाद्वारे नोंदणीची सुविधा दिली जाईल आणि सर्व माहिती स्वयंघोषीत असेल. यासाठी कागदपत्रांची गरज पडणार नाही. मंत्रालयाने ठरविल्या नुसार नोंदणी एमएसएमईच्या नवी परिभाषावर आधारित असेल.
2. कोरोना काळात PF चे पैसे काढण्याची शेवटची तारीख
कोरोना विषाणूपासून बचाव करण्यासाठी लावण्यात आलेल्या लॉकडाऊनमध्ये केंद्र सरकारने पीएफमधून पैसे काढण्यासाठी अनेक नियम शिथिल केले आहेत. जर तुम्ही पीएफ खात्यातून काही पैसे काढू इच्छित असल्यास 1 जुलै पासून होत आहे हा महत्त्वाचा बदल.
लोकांकडे रोखीची कमतरता लक्षात घेता वित्त मंत्रालयाने ईपीएफकडून आपत्कालीन पैसे काढण्याची सुविधा उपलब्ध करू दिली होती. 30 जून रोजी अर्ज करण्यासाठीचा शेवटचा दिवस होता. कोणत्या खात्यातून भागधारक मूळ वेतन आणि महागाई भत्त्याच्या 3 पट पेक्षा कमी किंवा एकूण ठेव रक्कमेच्या 75 टक्के रक्कम काढू शकतात.
3. ATM विड्रॉलसाठी शुल्क
लॉकडाऊन लागू झाल्यानंतर केंद्र सरकारने एटीएममधून पैसे काढताना आकराण्यात येणाऱ्या शुल्कावर सूट दिली होती. तीन महिन्यासाठी कोणत्याही बँकेच्या एटीएममधून विनाशुल्क रक्कम काढण्याची परवानगी देण्यात आली होती. यासाठी 30 जून 2020 ही डेडलाईन आहे. त्यामुळे 1 जुलैपासून ठराविक ट्रान्झाक्शननंतर तुम्हाला एटीएममधून पैसे काढण्यासाठी ठराविक रक्कम द्यावी लागणार आहे. साधारणपणे कोणतीही बँक एका महिन्यात 5 वेळा फ्री ट्रान्झॅक्शन करण्याची परवानगी देते. दुसऱ्या बँकेच्या एटीएममधून 3 वेळा विनाशूल्क रक्कम काढता येते. या मर्यादेनंतर बँका अतिरिक्त 8 ते 20 रुपयांचे शुल्क आकारतात. मेट्रो सटीमध्ये प्रत्येक महिन्याला 8 आणि मेट्रो सीटी नसलेल्या शहरामध्ये 10 पेक्षा जास्त वेळा पैसे कढाल्यावर फी भरावी लागेल.
4. खात्यात किमान शिल्लक आवश्यक
1 जुलैपासून तुमच्या खात्यामध्ये कमीतकमी शिल्लक रक्कम नसल्यास बँकेकडून दंड आकारला जाऊ शकतो. एप्रिल ते जून दरम्यान याकरता सूट देण्यात आली होती. सध्या मेट्रो सीटी, शहरी, अर्ध-शहरी आणि ग्रामीण भागानुसार वेगवेगळ्या बँकांमध्ये बचत खात्यात किमान शिल्लक ठेवण्याची मर्यादा वेळी आहे. ही सूट वाढवण्याबाबत अद्याप कोणतीही माहिती समोर आलेली नाही.
5. बचत खात्यांवरील पीएनबी व्याज दर
पंजाब नॅशनल बँक 1 जुलैपासून आपल्या बचत खातेधारकांना कमी व्याज देणार आहे. बचत खात्याच्या व्यजदरामध्ये 0.50 टक्क्यांनी कपात करण्यात येणार आहे. 1 जुलैपासून हा नियम लागू होणार आहे. यानंतर बँकेच्या बचत खात्यावर जास्तीत जास्त 3.25 टक्के वार्षीक व्याज मिळेल. पीएनबीच्या बचत खात्यात 50 लाख रुपयापर्यंत जमा रकमेवर 3 टक्के वार्षीक आणि 50 लाखापेक्षा अधिक रकमेवर 3.25 टक्के वार्षीक व्याज देण्यात येणार आहे.
6. एलपीजी सिलिंडरच्या किंमती बदलणार
1 जुलैपासून देशात एलपीजी सिलिंडरच्या किंमतीही बदलणार आहेत. देशातील तेल विपणन कंपन्या दर महिन्याच्या पहिल्या तारखेला हा बदल करतात. त्याची किंमत सरासरी आंतरराष्ट्रीय बेंचमार्ख आणि विदेशी विनिमय दरामधील बदलांसारखे घटक निर्धारित करत असतात. प्रत्येक राज्यामध्ये टॅक्स वेग-वेगळा असतो आणि त्याच्या हिशोबाने एलपीजीच्या किंमतीमध्ये फरक असतो. सध्या सरकार एका वर्षामध्ये प्रत्येक घरासाठी 14.2 किलोग्रामच्या 12 सिलिंडर्सवर अनुदान देते. ग्राहकांना यापेक्षा जास्त सिलिंडर घ्यायचे असतील तर ते बाजारभावाने खरेदी करावे लागतील.
7. अटल पेन्शन योजनेत मोठा बदल
जर आपण अटल पेन्शन खातेदार असाल तर अटल पेन्शन योजनेत सरकारने 1 जुलैपासून कोणते बदल केले आहेत, हे आपल्या जाणून घेणे महत्त्वाचे आहे. 1 जुलैपासून अटल निवृत्तीवेतन योजना खात्यांमधून मासिक योगदानाचे ऑटो डेबिट होण्यास सुरुवात होईल. पेन्शन फंड नियामक आणि विकास प्राधिकारणाने बँकांना अटल पेन्शन योजनेचे ऑटो डेबिट 30 जूनपर्यंत थांबवण्याचे निर्देश दिले होते. त्या आधारे आता 1 जुलैपासासून पुन्हा एकदा ऑटो डेबिट सुविधा सुरू केली जाईल.
या योजनेतील बहुतेक ग्राहक समाजातील खालच्या स्तरातील आहेत आमि कोरोनामधील लॉकडाऊनमुळे या लोकांना संकटाचा अधिक सामना करावा लागत आहे. पीएफआरडीएच्या अलीकडील अधिसूचनेमध्ये म्हटले आहे की, जर ग्राहकांच्या पेन्शन योजनेचे खाते 30 सप्टेंबर 2020 पूर्वी नियमित केले गेले असेल तर दंड व्याज आकारला जाणार नाही. 501 ते 1000 रुपयांमधील योगदानावर प्रति महिना पाच रुपये दंड आहे. आणि 1000 रुपये ओलांडल्यास दरमहा 10 रुपये दंड आकारला जाईल.
9. विश्वास योजनेचा लाभ मिळणार नाही
सेवा कर आणि मध्यवर्ती उत्पादन शुल्क या संदर्भात जुन्या प्रलंबित वादग्रस्त खटल्यांच्या निराकरणासाठी सादर केलेली विश्वास योजनेच्या देयकाची अंतिम तारीख 30 जून आहे. आपण या योजनेचा लाभ 1 जुलैपासून घेऊ शकणार नाही. सबका विश्वास योजना कर विवादाच्या प्रत्येक समस्येवर तोडगा आहे. 30 जून नंतर या योजनेची मुदत वाढवण्यात येणार नाही हे सरकारने स्पष्ट केले आहे. यासंदर्भात केंद्रीय अप्रत्यक्ष कर व सीमा शुल्क बोर्डाच्या वतीने ट्विट करून माहिती देण्यात आली आहे. या योजनेंतर्गत 90 कोटी रुपयांचे 1.9 लाख डिक्लेरेशन फाईल दाखल करण्यात आल्या आहेत. 30 जून 2020 पर्यंत पैसे न भरल्यास या योजनेचा लाभ मिळणार नाही.
10. किसान सन्मान निधी मध्ये नोंदणी
पंतप्रधान किसान सन्मान निधी योजनेंतर्गत मोदी सरकार दरवर्षी 2000 रुपयांचे तीन हप्ते म्हणजेच 6000 रुपये दिले जातात. आतापर्यंत 5 हप्ते शेतकऱ्यांना देण्यात आले आहेत. या योजनेची नोंदणी 30 जूनपर्यंत होऊ शकते. जर 30 जूनपर्यंत नोंदणी केली असले आणि ज्याच अर्ज स्विकारण्यात आला असेल त्याला जुलै मध्ये 2000 रुपये आणि ऑगस्टमध्ये दुसऱ्या हप्त्याच्या स्वरूपात 2000 रुपये मिळू शकतील.