पोलिसनामा ऑनलाईन टीम : वॉलमार्टच्या मालकीची ई-कॉमर्स कंपनी फ्लिपकार्ट (flipkart )ने आगामी सणाच्या विक्रीसाठी डिजिटल पेमेंट कंपनी म्हणजेच पेटीएमशी करार केला आहे. भागीदारी अंतर्गत पेटीएमला पैसे देणाऱ्या ग्राहकांना अनेक ऑफर आणि फायदे देण्यात येतील. “ही भागीदारी फ्लिपकार्ट(flipkart )वर बिग बिलियन डेजच्या उत्सवाच्या विक्रीदरम्यान पेटीएमच्या कोट्यवधी वापरकर्त्यांना पेटीएम वॉलेट आणि पेटीएम यूपीआयद्वारे पैसे देण्यास मदत करेल, असे कंपनीने एका निवेदनात म्हटले आहे.इतकेच नव्हे तर ग्राहकांना त्यांच्या पेटीएम वॉलेटमध्ये इन्स्टंट कॅशबॅक मिळेल.
16 ते 21 ऑक्टोबर दरम्यान ‘बिग बिलियन डे’ फेस्टिवलची विक्री
कंपनीची वार्षिक ‘बिग बिलियन डेज’ उत्सव विक्री १६ ते २१ ऑक्टोबर दरम्यान होईल, तर मिंत्रावर ‘बिग बिलियन सेल’ १६ ते २२ ऑक्टोबर दरम्यान आहे. निवेदनानुसार, ही भागीदारी फ्लिपकार्टच्या आगामी उत्सव विक्रीच्या तयारीच्या अनुषंगाने आहे. यावेळी सेलचे मुख्य लक्ष सूक्ष्म, लघु आणि मध्यम उद्योगांना वाढीच्या संधी उपलब्ध करुन देणे आहे. फ्लिपकार्टचा प्रतिस्पर्धी अ‍ॅमेझॉन या आठवड्यात त्याची वार्षिक विक्री तारखा जाहीर करेल अशी अपेक्षा आहे.
स्नॅपडील देखील आणेल विक्री
यावर्षी ऑक्टोबरच्या मध्यामध्ये नवरात्रोत्सवाच्या निमित्ताने आपली पहिली उत्सव विक्री आणणार असल्याचेही स्नॅपडीलने म्हटले होते. उर्वरित आणखी दोन विक्री ऑक्टोबरच्या शेवटी आणि नोव्हेंबरच्या सुरूवातीस देखील चालतील. फ्लिपकार्टचे फिनटेक आणि पेटीएम ग्रुपचे प्रमुख रंजीत बोयानापल्ली म्हणाले की पेटीएमबरोबरची आमची भागीदारी डिजिटल पेमेंट सोल्यूशन्सविषयी आमची वचनबद्धता दर्शवते. सर्वांसाठी डिजिटल पेमेंट सिस्टमचे लोकशाहीकरण करणे हे आहे.