मनोरंजन

बलात्कारांच्या घटनांवर डायरेक्टरची ‘वादग्रस्त’ पोस्ट, म्हणाला – ‘महिलांनी जवळ कंडोम अन्…’

Daniel Shravan

नवी दिल्ली : वृत्तसंस्था – हैदराबादमध्ये महिला डॉक्टरवर झालेल्या सामूहिक बलात्कारानंतर जिवंत जाळल्याची धक्कादायक बातमी संपूर्ण देशाला हादरून टाकणारी होती. नंतर हे प्रकरण रस्त्यावरुन संसदेपर्यंत गेले. बलात्कार करणार्‍यांविरूद्ध कठोर कारवाईची मागणी देशभरातील लोक करत असतानाच साऊथचे चित्रपट निर्माते डॅनियल श्रवण यांनी आक्षेपार्ह पोस्ट लिहून सोशल मीडियावर खळबळ माजवली आहे.

त्यांनी आपल्या फेसबुक पोस्टमध्ये लिहिले की सरकारने बलात्कारास कायदेशीररित्या मान्यता देण्याकडे लक्ष केंद्रित केले पाहिजे. बलात्कारानंतर महिलांची हत्या केली जाते आणि सरकारने अशी काही तरतूद आणली पाहिजे की बलात्कार करणार्‍यांनी कुठल्याही प्रकारची हिंसा न करता बलात्कार करावा असे वादग्रस्त वक्तव्य केले.

त्याने लिहिले, मर्डर करणे हा एक गुन्हा आहे आणि बलात्कार ही एक शिक्षा आहे. दिशा कायदा किंवा निर्भया कायद्यासह कोणताही न्याय होणार नाही. बलात्काराचा अजेंडा आपल्या लैंगिक गरजा पूर्ण करण्यासाठी आहे जो वेळ आणि मूडनुसार पूर्ण करणे आणि जर समाज, न्यायालये आणि महिला संघटनांनी या गुन्ह्याकडे दुर्लक्ष केले तर ते बलात्कार करून आणि त्याच्या ही पुढे जाऊन महिलांना ठार मारतात.

त्याने आपल्या या पोस्टमध्ये पुढे म्हटले होते की, १८ वर्षाच्या मुलींना बलात्काराविषयी जागृत केले पाहिजे. म्हणजेच त्यांनी पुरुषांच्या शारीरिक संबंध बनवण्याच्या गरजांकडे दुर्लक्ष करायला नको तेव्हाच अशा घटना होणे बंद होईल. वीरप्पनला मारून टाकले तर तस्करी थांबेल किंवा आपण लादेनला मारले तर दहशतवाद संपेल हे मूर्खपणाचे लक्षण आहे. याचप्रमाणे निर्भया कायद्याच्या मदतीने बलात्कार रोखता येऊ शकत नाही हे समजणे महत्वाचे आहे.

डायरेक्टरने पुढे लिहिले आहे की, विशेषत: भारतीय महिलांना लैंगिक शिक्षणाबद्दल माहित असणे आजमितीला गरजेचे आहे. त्यांचे वय १८ वर्षांपेक्षा अधिक असेल तर त्यांनी त्यांच्याकडे कंडोम ठेवावे. मदतीसाठी महिलांनी १०० नंबर डायल करून पोलिसांची मदत घेण्यापेक्षा आपल्या जवळ कंडोम ठेवावा आणि बलात्कारींना सहकार्य करावे जेणेकरून ते त्यांना मारू शकणार नाहीत.

पुढे त्यांनी लिहिले की सिंपल लॉजिक आहे. लैंगिक इच्छा पूर्ण झाल्यास पुरुष महिलांवर बलात्कार करणार नाहीत. त्यामुळे सरकारने अशी योजना पास केली पाहिजे की ज्याने बलात्कारानंतर बलात्कार करणार्‍यांनी महिलांना मारू नये.

एवढेच नव्हे तर जेव्हा एका वापरकर्त्याने आपली मानसिक स्थिती ठीक नाही आणि आपण ती मानसोपचारतज्ज्ञाला दाखवावी अशी श्रावणच्या पोस्टवर भाष्य केले. तेव्हा श्रवण म्हणाला की जर या मुली बलात्काऱ्यांचा प्रस्ताव स्वीकारणार नाहीत तर बलात्कार करणार्‍यांकडे बलात्काराशिवाय दुसरा कुठला पर्याय उपलब्ध राहणार नाही.

तथापि, नंतर या दिग्दर्शकाने वाद झाल्यानंतर आपले पोस्ट हटवले आणि एक नवीन संदेश पोस्ट केला ज्यामध्ये त्याने आपल्या टिप्पण्याबद्दल दिलगिरी व्यक्त केली. त्याने हे देखील सांगितले की तो आपल्या चित्रपटात खलनायकासाठी संवाद लिहित होता आणि हे संवाद त्याने कमेंट्समध्ये लिहिले आणि लोकांनी त्याचा मुद्दा चुकीचा समजला आहे.

या दिग्दर्शकाच्या पोस्टवर लोकांना प्रचंड राग आला आणि सेक्रेड गेम्सच्या स्टार कुब्रा सैत यांनीही या दिग्दर्शकाला जोरदार निशाणा साधला आहे. त्याने आपल्या ट्विटर पोस्टमध्ये लिहिले की हे डॅनियल श्रवण जो कुणी आहे, त्याला वैद्यकीय मदतीची आवश्यकता आहे. कदाचित त्याला मार देखील दिला पाहिजे जेणेकरून त्याचा सडलेला मेंदू साफ होऊ शकेल.

याशिवाय गायक चिन्मय श्रीपाद यांनीही या दिग्दर्शकाविरूद्ध मोर्चा उठवला आहे. त्यांनी डॅनियलद्वारा ६ जून रोजी शेअर केली गेलेली एक पोस्टही इंस्टाग्राम वर शेअर केले आहे. या पोस्टमध्येही तो बलात्कार आणि महिलांशी संबंधित असंवेदनशील विचार मांडताना दिसू शकतो. सिंगर म्हणाला आहे की असे दिसते आहे की तो बर्‍याच काळापासून आपल्या खलनायकाच्या चित्रपटाचे संवाद लिहित आहे. सोशल मीडियावर दिग्दर्शकाचा विरोध अजूनही मोठ्या प्रमाणात होत आहे.

Visit : policenama.com