7th Pay Commission : केंद्रीय कर्मचार्‍यांना लवकरच मिळणार वाढीव DA ! खात्यात येणार थकबाकीची रक्कम?
File Photoनवी दिल्ली, वृत्तसंस्था : केंद्र सरकारचे लाखो कर्मचारी आणि निवृत्तीवेतनधारक त्यांच्या महागाई भत्ता वाढीच्या प्रतीक्षेत आहेत, ज्यामुळे त्यांची पगारदेखील वाढणार आहे. वास्तविक, होळीच्या आधी अशी घोषणा करण्यात आली होती कि, सरकार आपल्या कर्मचार्‍यांचा महागाई भत्ता (डीए) वाढविण्याच्या विचारात आहे, याची घोषणा होळी होण्यापूर्वी केली जाईल, परंतु मोदी सरकारने अशी कोणतीही घोषणा केली नसल्याचे समजते.
केंद्रीय कर्मचार्‍यांच्या महागाई भत्त्याच्या तीन हप्त्यांची आणि पेंशनधारकांच्या डीआरची प्रतीक्षा दिवसेंदिवस वाढत चालली आहे. कोरोना साथीच्या आजारामुळे 1 जानेवारी 2020, 1 जुलै 2020 आणि 1 जानेवारी 2021 मधील कर्मचार्‍यांचे डीए आणि डीआर थांबवले गेले. जर मोदी सरकारने डीए म्हणजेच महागाई भत्ता 4 टक्क्यांनी वाढविण्याचा निर्णय घेतला तर केंद्रीय कर्मचाऱ्यांचा महागाई भत्ता 28 टक्के होईल. जो सध्या 17% आहे.
जानेवारी ते जून या कालावधीत वाढणार DA
जर केंद्रीय कर्मचाऱ्यांचा महागाई भत्ता 4% वाढला तर त्यांचा पगार लक्षणीय वाढेल. सूत्रांनी सांगितले की डीएमध्ये ही वाढ जानेवारी ते जून 2021 पर्यंत होईल, म्हणजेच केंद्रीय कर्मचार्‍यांना थकबाकीची मोठी रक्कम देखील मिळेल. डीए, एचआरए, प्रवास भत्ता (TA), वैद्यकीय भत्ता याचा थेट परिणाम महागाई भत्त्यातील वाढीवर होईल.
जुलैमध्ये जारी होणार महागाई भत्ता ?
केंद्रीय राज्याचे अर्थमंत्री अनुराग ठाकूर यांनी काही दिवसांपूर्वी निवेदन दिले की, सरकार जुलै महिन्यात सरकारी कर्मचार्‍यांच्या महागाई भत्त्याच्या थकबाकी हप्ता जाहीर करू शकते. 1 जुलै 2021 रोजी जारी करण्यात येणाऱ्या महागाई भत्त्याच्या हप्त्यासह मागील वर्षाचे दोन थकित हप्तेही देण्यात येणार आहेत. सरकारच्या या निर्णयामुळे सरकारी कर्मचार्‍यांना मोठा दिलासा मिळणार आहे. सातव्या वेतन आयोगांतर्गत हे तीन हप्ते नव्या दराने जाहीर केले जातील, अशी घोषणाही राज्याच्या अर्थमंत्र्यांनी केली होती.
कौटुंबिक पेन्शन वाढ
काही दिवसांपूर्वी केंद्र सरकारने सरकारी पेन्शनधारकांसाठी कुटुंब पेन्शनची जास्तीत जास्त मर्यादा वाढविण्याची घोषणा केली होती. केंद्र सरकारने कौटुंबिक पेन्शनची कमाल मर्यादा जवळपास अडीच पट वाढविली आहे. आतापर्यंत कौटुंबिक पेन्शनची कमाल मर्यादा दरमहा 45,000 रुपये होती. आता ती दरमहा 1.25 लाख रुपये करण्यात आली आहे.
पीएफ मध्येही वाढ
डीए नंतर केंद्रीय कर्मचाऱ्यांचा भविष्य निर्वाह निधी (PF) देखील वाढेल. लक्षात घेण्यासारखे म्हणजे केंद्रीय कर्मचार्‍यांच्या पीएफ योगदानाची गणना मूलभूत पगारासह डीए सूत्रानुसार केली जाते.