सध्या सध्या लग्नसराईचे दिवस असल्याने अनेकजण आपल्या लग्नाचे फोटो आणि व्हिडीओ सोशल मिडियावर पोस्ट करताना दिसत आहे. अशातच या आगळ्या वेगळ्या लग्नपत्रिकेने सर्वांचे लग्न वेधून घेतल्याचे दिसत आहे. विथून शेखर आणि सूर्या नायर असं या वधू-वराचं नाव आहे. विशेष म्हणजे विथून आणि सूर्या दोघेही रसायनशास्त्राचे शिक्षक आहेत.
विथून शेखर आणि सूर्या नायर यांच्या लग्नपत्रिकेची इतकी चर्चा होण्याचे कारण म्हणजे त्यांच्या या लग्नपत्रिकेत त्यांनी रसायनशास्त्रातील चिन्हे वापरली आहेत. म्हणजेच रसायनशास्त्रात सुत्रे लिहिताना किंवा एखाद्या रसायनाचे नाव लिहीताना त्याचे पहिले अक्षर वापरले जाते त्याचप्रमाणे Va बॉण्ड Sa असे चिन्हांमधून दाखवण्यात आले आहे. हे दोन्ही अणू एकमेकांशी जोडलेले दाखवण्यात आले आहेत.
‘विथून आणि सूर्या या दोन अणूंने आपल्या आई वडिलांच्या अॅक्टीव्हेशन एनर्जीच्या मदतीने मॉलिक्यूल होण्याचा निर्णय घेतला आहे. या बाँडिंग समारंभासाठी सर्वांनी आपल्या प्रोडक्ट्ससहीत उपस्थित रहावे ही विनंती करत आहोत’ असे आगळेवगेळे आमंत्रण पत्रिकेत देण्यात आले आहे. तर पत्रिकेवरील इतर पानांवर केमिस्ट्रीने आम्हाला एकत्र आणले अशा आशयाचा मेसेज लिहीण्यात आला आहे. आधी ही पत्रिका सुर्यानेच फेसबुकवर शेअर केली. त्यानंतर ही कल्पना अनेकांना आवडल्याने या पत्रिकेचे फोटो व्हायरल झाले.
महत्त्वाचे म्हणजे चक्क शशी थरुर यांनीही या पत्रिकेचे फोटो रिट्वीट केले आहे आणि या दोघांनाही शुभेच्छा दिल्या आहेत. त्यांनी आपल्या ट्विटमध्ये म्हटले आहे की, ‘या दोघांनाही वैवाहिक सुखी जिवनासाठी शुभेच्छा. दोघांमधील केमिस्ट्री अशीच राहो. तसेच फिजिक्सच्या भाषेत सांगायचे तर त्यांच्या भविष्यात हिटपेक्षा (वाईटापेक्षा) उजेड जास्त रहवो. आणि बायोजॉलिजच्या भाषेत सांगायचे तर उदार संतती प्राप्त होवो.’
https://www.facebook.com/soorya.nair.98/posts/10205415266258868
https://twitter.com/ShashiTharoor/status/1073161890623311872
म्हणून लग्न संध्याकाळी हवे