जगात चारही बाजूनं अडचणीत आल्यानंतर चीनला अमेरिकेत मिळाली ‘ही’ मोठी संधी

नवी दिल्ली :  वृत्तसंस्था  –  कोरोना साथीच्या आजारामुळे जगभरात घेतल्या गेलेल्या चीनला अमेरिकेवर पलटवार करण्याची संधी मिळाली आहे. अमेरिकेत एकी काळी व्यक्ती जॉर्ज फ्लॉयडच्या मृत्यूबद्दल सुरु असलेल्या निदर्शनांसंदर्भात चीनने घेराव घातला आहे. चीनच्या परराष्ट्र मंत्रालयाचे प्रवक्ते झाओ लिजियान यांनी सोमवारी सांगितले की, अमेरिका निदर्शकांच्या संदर्भात दुहेरी निकष अवलंबत आहे. अमेरिका हाँगकाँगच्या निदर्शकांचे कौतुक करतो, परंतु जेव्हा लोक तेथे निदर्शने होतात, तेव्हा ते त्यांना दंगेखोर म्हणतात. प्रवक्त्याने सांगितले की, हाँगकाँग आणि अमेरिकेतील निदर्शनांच्या मागे वेगवेगळी ताकद होती.

झाओ म्हणाले, हाँगकाँगच्या निदर्शनांदरम्यान देशाचे विभाजन करण्यासाठी अंतर्गत व बाह्य शक्तींनी एकत्रितपणे काम केले. या शक्तींनी सत्ता उलथून टाकण्याचा आणि दहशतवादी हल्ले आयोजित करण्याचा प्रयत्न केला. ते म्हणाले, स्वातंत्र्य समर्थक चळवळ आणि काळ्या कपड्यांमध्ये दिसणारी गर्दी यामुळे राष्ट्रीय सुरक्षा गंभीर धोक्यात आली. यावेळी अमेरिकेने हाँगकाँगमध्ये स्वातंत्र्य समर्थकांचा हिरोप्रमाणे गौरव केला, तर अमेरिकेतील वर्णद्वेषी मानसिकतेमुळे निराश होऊन रस्त्यावर उतरलेल्या लोंकाना दंगलखोर म्हंटले जाते, असा सवाल चीनच्या परराष्ट्र मंत्रालयाच्या प्रवक्त्याने केला.तसेच हाँगकाँग पोलिसांच्या निदर्शने रोखण्याच्या प्रत्येक प्रयत्नास अमेरिकेने टीका केली आहे. पण स्वतःच निदर्शकांवर गोळ्या घालतो. एवढेच नव्हे तर त्यांनी निदर्शने दडपण्यासाठी नॅशनल गार्ड टुप्सलाही बोलावले आहे.

अमेरिकेतील मिनिपोलिसमध्ये पोलिस कोठडीत एका काळ्या माणसाच्या मृत्यूनंतर बरीच प्रदर्शने होत आहेत. 25 मे रोजी जॉर्ज फ्लॉइडचा मृत्यू झाला होता. 25 मे रोजी संध्याकाळी पोलिसांना फोन आला की, जॉर्ज फ्लॉइड नावाच्या व्यक्तीने किराणा दुकानात बनावट 20 डॉलरची नोट दिली आहे. पोलिस फ्लोयडला अटक करत आपल्या गाडीत बसविण्याचा प्रयत्न करत होते, तेव्हा फ्लॉयड खाली कोसळला. सोशल मीडियावर व्हायरल झालेल्या व्हिडिओमध्ये असे दिसून आले की, एका गोऱ्या पोलिस अधिकाऱ्याने जॉर्ज फ्लॉइडची मान अनेक मिनिटांपर्यंत गुडघ्यांने दाबून ठेवली, तर फ्लॉइड श्वास घेऊ शकत नाही, अशी ओरड करीत होता. फ्लॉयडची प्रकृती अधिक गंभीर झाल्यानंतर त्याला तातडीने रुग्णालयात नेण्यात आले, तेथे तब्बल तासानंतर त्याला मृत घोषित करण्यात आले. पोलिस अधिकारी डेरेक चौविनवर थर्ड डिग्री मर्डर व खूनाचा गुन्हा दाखल करण्यात आला आहे.

चिनी प्रवक्त्याने सांगितले की, “अमेरिकेतील वांशिक भेदभावाची समस्या किती गंभीर आहे, हे या घटनेवरून स्पष्ट होते आणि त्वरित याचे निराकरण करण्याची आवश्यकता आहे.” झाओ म्हणाले की अल्पसंख्याकांच्या कायदेशीर हक्कांचे रक्षण केले पाहिजे. दरम्यान, अमेरिकेत सुरु असलेल्या प्रदर्शनाच्या दरम्यान चीनच्या सोशल मीडियावरही लोक आरोप करत आहेत, कि ट्रम्प प्रशासनाने हाँग काँगमध्ये अशांती निर्माण करण्यासाठी मोठी भूमिका बजावली. एका वापरकर्त्याने लिहिले की, अमेरिका आपले अंतर्गत कामकाज सांभाळण्यास असमर्थ आहे, मग ते इतर देशांच्या घरगुती कामांमध्ये हस्तक्षेप कसे करू शकतात?

हाँगकाँग हा चीनच्या ‘वन नेशन, टू सिस्टम’ चा एक भाग आहे, म्हणजेच त्याला प्रशासनाच्या प्रकरणांत स्वायत्तता आहे. दरम्यान, गेल्या वर्षापासूनच हाँगकाँगमध्ये एखाद्या गुन्ह्याच्या संशयावरून लोकांना चीनमध्ये हस्तांतरित करण्याच्या कायद्याबद्दल निदर्शने होत आहेत. या कायद्याद्वारे चीनला हाँगकाँगची कायदेशीर स्वायत्तता संपवायची असल्याचे समीक्षकांचे म्हणणे आहे.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
WhatsAPP
You might also like