Coronavirus : आता चीनच्या ‘या’ शहरात कुत्र्या-मांजरांच्या व्यापार अन् खाण्यावर घातली बंदी

नवी दिल्ली : वृत्तसंस्था  – कोरोना विषाणूनंतर चीनमध्ये कुत्री आणि मांजरींच्या विक्रीवरही बंदी घातली आहे. दरम्यान, माहितीनुसार, शेन्झेन हे कुत्रे आणि मांजरींच्या विक्री आणि खाण्यावर बंदी घालणारे चीनचे पहिले शहर बनले आहे, कोरोनो व्हायरसच्या प्रादुर्भावा विरोधात हा निर्णय घेण्यात आला आहे. अहवालानुसार, हा नवीन कायदा १ मे पासून अंमलात येईल. एका निवेदनात, शेन्झेनने असे नमूद केले की, “कुत्री आणि मांजरींया पाळीव प्राण्याचे इतर सर्व प्राण्यांपेक्षा मानवांशी खूप जवळचे संबंध आहेत.”

माहितीसाठी, फेब्रुवारीमध्ये, चिनी अधिकाऱ्यांनी वन्य प्राण्यांच्या व्यापार आणि खाण्यावर बंदी घातली. वूहान मधील वेट बाजारपेठ नवीन कोरोना विषाणूचा प्रादुर्भाव होण्यास सुरूवात करणारा बिंदू ठरू शकते हे उघड झाल्यानंतर हे पाऊल घेतले गेले. असेही म्हटले गेले की, हा विषाणू प्राण्यांपासून मनुष्यांपर्यंत आला आहे. दरम्यान, गेल्या कित्येक वर्षांपासून प्राणी कार्यकर्ते चिनी सरकारकडे जनावरांचे मांस खाण्यास बंदी घालण्याची मागणी करत आहेत. केवळ कुत्री, मांजरी आणि सापच नव्हे तर बेडूक, कासव इत्यादींचे मांस खाण्यासही बंदी घातली आहे. येथील लोकसंख्या १३ दशलक्ष आहे.

दरम्यान, चीनमधील वुहान शहरातून कोरोना विषाणूची पहिली घटना समोर आली आहे. हा विषाणू इथून सुरू झाला होता. यानंतर संपूर्ण चीनमध्ये सुमारे 80 हजार लोकांना संसर्ग झाला. यानंतर, चीनमध्ये जनावरांमुळे कोरोना विषाणूचा प्रसार झाल्याचे वृत्त समोर आले आहे. मात्र, याची पूर्ण खात्री नाही. आता जगभरातील अनेक देशांमध्ये कोरोनाची लागण झाली आहे.