ट्रम्प यांची घोषणा – ‘चीनकडून परत घेणार काही लाख कोटी डॉलर पेन्शन फंड’, उध्वस्त होणार स्टॉक मार्केट
नवी दिल्ली : वृत्तसंस्था – अमेरिकेचे राष्ट्रपती डोनाल्ड ट्रम्प यांनी चीनच्या विरोधात कडक पाऊल उचलले असून अमेरिकन पेन्शन फंडची अब्जावधी डॉलर्सची गुंतवणूक चीनच्या शेअर बाजारातून काढून घेण्याची घोषणा केली आहे. ट्रम्प यांनी पुष्टी केली आहे की, अमेरिकेच्या पेन्शन फंडातील कोट्यवधी डॉलर्सची गुंतवणूक चीनकडून काढून घेण्याचे काम त्यांच्या प्रशासनाने सुरू केले आहे. ट्रम्प यांच्या या निर्णयामुळे चीनच्या शेअर बाजाराचे मोठे नुकसान होऊ शकते.
यापूर्वी अमेरिकेने बौद्धिक संपत्ती आणि संशोधन कार्याशी संबंधित माहिती चोरल्याचाही आरोप चीनवर लावला होता. एका मुलाखतीत ट्रम्प यांनी सांगितले की, “चीन गुंतवणुकीतून कोट्यवधी डॉलर्स काढून घेतले.”
President @realDonaldTrump: "Every other President let China do whatever they wanted." pic.twitter.com/jEffuEFUlv
— The White House 45 Archived (@WhiteHouse45) May 14, 2020
अमेरिकन शेअर बाजारावर सूचीबद्ध असलेल्या सर्व अटींचे पालन करण्याबद्दल ट्रम्प म्हणाले, ‘आम्ही या प्रकरणात अगदी बारीक लक्ष देत आहोत. हे अतिशय आश्चर्यकारक आहे, परंतु या प्रकरणात एक समस्या आहे. समजा आम्ही असे केले (अटींचे पालन करण्यास भाग पाडले आहे) तर ते काय करतील? ते लंडनला जातील किंवा इतर ठिकाणी त्याची यादी करण्यासाठी जातील.’
चिनी कंपन्या मिळकत सामायिक करत नाहीत
असा आरोप आहे की अलिबाबासारख्या चिनी कंपन्यांना न्यूयॉर्क स्टॉक एक्सचेंजमध्ये सूचीबद्ध केले गेले आहे, परंतु अमेरिकन कंपनी ज्या प्रकारे कमाईची माहिती सामायिक करते त्या प्रकारे ते करत नाहीत. याच दरम्यान, काही रिपोर्टनुसार, चीन त्या अमेरिकन खासदारांविरोधात कारवाई करण्याचा विचार करत आहे, ज्यांनी कोरोना विषाणूचा प्रादुर्भाव कमी होण्याबाबत दुर्लक्ष केल्याबद्दल चीनविरूद्ध बंदी घालण्याच्या मागणीसाठी सिनेटमध्ये प्रस्ताव सादर केला आहे. कोरोना विषाणूच्या प्रादुर्भावानंतर अमेरिका आणि चीनमधील संबंध बिघडले आहेत. कोरोना विषाणूशी संबंधित असलेल्या चीनच्या भूमिकेबद्दल अमेरिकेने निराशा व्यक्त केली आहे. कोरोना विषाणूमुळे अमेरिकेत आतापर्यंत ८०,००० हून अधिक लोकांचा बळी गेला आहे.