CM Eknath Shinde | राज्यात पोलीस आणि अग्निवीर भरतीमध्ये सहभागी होणाऱ्या उमेदवारांची व्यवस्था राज्य सरकार करणार
file photoमुंबई : पोलीसनामा ऑनलाइन – पोलीस, अग्निवीर भरतीसाठी (Police, Agniveer Recruitment) येणाऱ्या तरूणांची राहण्याची, नाश्त्याची सोय जिल्हा प्रशासनामार्फत करावी व त्याठिकाणी आवश्यक आरोग्य सुविधा पुरविण्यात याव्यात, असे निर्देश मुख्यमंत्री एकनाथ शिंदे (CM Eknath Shinde) यांनी दिले आहेत. यासंदर्भात आमदार प्रताप सरनाईक (MLA Pratap Sarnaik) यांनी मुख्यमंत्री एकनाथ शिंदे (CM Eknath Shinde) यांना पत्र दिले होते.
देशसेवा करण्याच्या दृष्टीने पोलीस व अग्निवीर या सेवेत भरतीसाठी युवा वर्ग उत्साहाने सहभागी होतात. त्यातील अनेक तरूण सर्वसामान्य गरीब कुटुंबातील असतात. लांब अंतरावरून भरतीसाठी हे तरूण येतात. त्यांची त्याठिकाणी गैरसोय होऊ नये याकरिता ज्या जिल्ह्यांमध्ये अशी भरती चाचणी होईल तेथील जिल्हा प्रशासनामार्फत (District Administration) जिल्हा परिषद (Zilla Parishad) किंवा महापालिका शाळांमध्ये (Municipal School) या तरुणांची राहण्याची सोय करतानाच नाश्ता, आरोग्य सुविधा देण्यात याव्यात, असे मुख्यमंत्र्यांनी सांगितले.
अग्निवीर भरतीसाठी चाचणी दरम्यान, धावणाऱ्या 21 वर्षीय तरूणाचा मृत्यू झाल्याच्या घटनेच्या पार्श्वभूमीवर
भरतीसाठी येणाऱ्या तरूणांना शासनाकडून सुविधा मिळण्याबाबतची मागणी पत्राद्वारे करण्यात आली होती.
त्याची तातडीने दखल घेऊन मुख्यमंत्री एकनाथ शिंदे (CM Eknath Shinde) यांनी तरूणांची गैरसोय होणार नाही
यासाठी जिल्हा प्रशासनाने दक्षता घ्यावी, अशा सूचना दिल्या.
Web Title :- CM Eknath Shinde | The state government will make the arrangements for those participating in Agniveer and police recruitment in the state
Join our WhatsApp Group, Telegram, facebook page and Twitter for every update