CM Uddhav Thackeray | राज्याचा पॉझिटीव्हीटी दर वाढला, राज्य शासन पुढील पंधरा दिवस लक्ष ठेवून असणार; टास्क फोर्सच्या बैठकीत मुख्यमंत्र्यांनी दिल्या ‘या’ सूचना
file photoमुंबई : पोलीसनामा ऑनलाइन – CM Uddhav Thackeray | कोविड (Covid-19) पुन्हा डोके वर काढत आहे. गेल्या काही दिवसांपासून कोविड बाधित रुग्णांची संख्या वाढत आहे. राज्य शासन (State Government) पुढील पंधरा दिवस लक्ष ठेवून असेल. निर्बंध नको असतील, तर नागरिकांनी स्वतःहून शिस्त पाळावी. मास्क वापरावा, लसीकरण करून घ्यावे, हात धुवावे आणि अंतर ठेवावे, असे आवाहन मुख्यमंत्री उद्धव ठाकरे (CM Uddhav Thackeray) यांनी आज केले. मुख्यमंत्र्यांनी गुरुवारी (दि.2) सायंकाळी कोविड टास्क फोर्स समितीच्या (Covid Task Force Committee) सदस्यांशी चर्चा केली. त्यावेळी त्यांनी या सूचना दिल्या.
या बैठकीस मुख्य सचिव मनुकुमार श्रीवास्तव (Chief Secretary Manukumar Srivastava), मुख्यमंत्री यांचे प्रधान सल्लागार सीताराम कुंटे (Principal Advisor Sitaram Kunte), सार्वजनिक आरोग्य विभागाचे अतिरिक्त मुख्य सचिव डॉ प्रदीप व्यास (Dr. Pradeep Vyas), मुख्यमंत्री यांचे अतिरिक्त मुख्य सचिव (Additional Chief Secretary) आशिष कुमार सिंह (Ashish Kumar Singh) आदी उपस्थित होते.
प्रारंभी अतिरिक्त मुख्य सचिव डॉ. प्रदीप व्यास यांनी राज्यातील कोविड विषाणूच्या संसर्गाबाबत सविस्तर माहिती दिली. 16 एप्रिल 2022 रोजी राज्यात सर्वात कमी 626 सक्रिय रुग्ण (Active Patient) होते. आज दीड महिन्यात त्यात सात पटीने वाढ झाली असून ती संख्या 4500 वर गेली आहे असे सांगून आरोग्य विभागाचे अपर मुख्य सचिव डॉ. प्रदीप व्यास यांनी सांगितले की, मुंबई (Mumbai), ठाणे (Thane), पुणे (Pune) तसेच महानगर क्षेत्रात राज्याच्या एकूण रुग्ण संख्येच्या 97 टक्के रुग्ण आहेत. मुंबईचा पॉझिटिव्हिटी दर (Positivity Rate) 6 टक्के असून राज्याचादेखील वाढून 3 टक्के झाला आहे असेही ते म्हणाले.
मुख्यमंत्री उद्धव ठाकरे (CM Uddhav Thackeray) यांनी सांगितले की, गेल्या काही दिवसांत कोविड रुग्णांच्या संख्येत वाढ होत आहे. वैद्यकीय क्षेत्रातील तज्ज्ञांनी दिलेल्या सूचनांनुसार कोविड आणखी वाढण्याची शक्यता व्यक्त केली जात आहे. त्यामुळे शासन पुढील पंधरा दिवस परिस्थितीवर लक्ष ठेवून असेल. कोविडचा प्रसार वाढू नये यासाठी नागरिकांनी कोविड अनुकूल व्यवहार करण्यावर भर दिला पाहिजे.
फिल्ड रुग्णालये सुसज्ज ठेवा
कोविड कालावधीत उभारण्यात आलेली फिल्ड रुग्णालये (Field Hospitals) व्यवस्थित आहे का पाहा. त्यांचे स्ट्रक्चरल ऑडिट (Structural Audit) करुन घ्यावे. या ठिकाणी वैद्यकीय कर्मचारी आहेत का, आवश्यक पायाभूत सुविधा आहेत का याचा आढावा घ्यावा, अशा सूचना आरोग्य विभागाला (Health Department) दिल्या.कोविड चाचण्यांचे प्रमाण कमी झाले आहे. हे प्रमाण वाढविण्यासाठी प्रयत्न करायला हवेत. कोविड विषाणूचा नवीन व्हेरियंट (New Variant) आहे का, असल्यास त्याची संसर्ग क्षमता किती आहे, यावर लक्ष ठेवा, अशा सूचनाही त्यांनी दिल्या. लवकरच शाळा सुरू होतील. शाळेच्या बाबत जागतिक स्तरावर काय निर्णय घेतले गेले आहेत, तेथील मुलांना संसर्ग होण्याची स्थिती काय आहे, याबाबत माहिती घ्यावी, असेही मुख्यमंत्री उद्धव ठाकरे यांनी सांगितले.
यावेळी कोविड टास्क फोर्स चे अध्यक्ष डॉ. संजय ओक (Dr. Sanjay Oak), डॉ. अजित देसाई (Dr. Ajit Desai), डॉ. बजान (Dr. Bajan), डॉ. शशांक जोशी (Dr. Shashank Joshi), डॉ. राहुल पंडित (Dr. Rahul Pandit), डॉ. वसंत नागवेकर (Dr. Vasant Nagvekar), डॉ. तात्याराव लहाने (Dr. Tatyarao Lahane) यांनी दूरदृष्यप्रणालीव्दारे आपली मते मांडली.
मुख्यमंत्री उद्धव ठाकरे यांचे नागरिकांना आवाहन
ताप, सर्दी, घशात दुखत असल्यास तात्काळ कोविड चाचणी करुन घ्या, गर्दीच्या ठिकाणी मास्क आवर्जून वापरावा, बारा ते अठरा वयोगटातील लसीकरण वाढवा, ज्येष्ठ, सहव्याधी नागरिकांनी लसीकरण करून घ्यावे, बूस्टर लस घ्यावी, आरोग्य व्यवस्थेने पायाभूत सुविधांची तयारी करुन ठेवावी, ऑक्सिजन, औषधे यांचा साठा करुन ठेवावा, येणाऱ्या पावसाळ्यामुळे जलजन्य आजारदेखील डोके वर काढतात, त्यांची लक्षणे कोरोना सारखीच असल्याने डॉक्टरांनीदेखील अशा रुग्णांना वेळीच चाचण्या करून घेण्यास सांगावे.
Web Title :- CM Uddhav Thackeray | if dont want restrictions follow discipline chief minister uddhav thackerays appeal to the citizens
Join our WhatsApp Group, Telegram, facebook page and Twitter for every update
Pune Pimpri Crime | भाजपच्या माजी नगरसेविका जयश्री गावडे यांच्या विरोधात FIR
ACB Trap On PSI Yogesh Dhikale | 1 लाखाची लाच घेताना फौजदार अँटी करप्शनच्या जाळ्यात