धुळे : पोलीसनामा ऑनलाईन
आज सामाजिक आणि धार्मिक एकोप्याची नितांत गरज असून यासाठी सर्व राजकीय मंडळींनी आपआपसातील मतभेद विसरून एकत्र यावे. धुळे एक कॉस्मोपॉलिटन शहर असल्याने याची सुरुवात येथूनच होऊ शकते, असे आवाहन राष्ट्रवादी काँग्रेसचे अध्यक्ष शरद पवार यांनी केले. ते धुळे महानगरपालिकेच्या नुतन इमारतीच्या लोकार्पण सोहळ्यादरम्यान बोलत होते.
उपस्थितींशी संवाद साधताना पवार म्हणाले, धुळे हे तीन राष्ट्रीय महामार्गावर असलेले भारतातील एक मध्यवर्ती ठिकाण आहे. त्याचा फायदा धुळे शहर व जिल्ह्यासाठी कसा होईल, काही ध्येय-धोरणे, योजना आखता येतील का, यासाठी सर्वपक्षीय एकत्र या. माझा शब्द कुठे टाकायचा असल्यास मी त्यासाठी सदैव तयार आहे. धुळेसुद्धा एक कॉस्माेपॉलिटन शहर आहे. सामाजिक तसेच धार्मिक एकोपा नांदवण्यासाठी सगळे भेद दूर सारून एकत्र येण्याची सुरवात धुळे सारख्या शहरातून होऊ शकते. मी सगळ्या राजकीय मंडळींना एकत्र येण्याचे आव्हान करतो. धुळ्याच्या विकासासाठी जर कुठे शब्द टाकायचा असल्यास मी त्यासाठी सदैव तयार आहे, असेही पवार यावेळी म्हणाले.
[amazon_link asins=’B079VHHR94′ template=’ProductCarousel’ store=’policenama-100′ marketplace=’IN’ link_id=’0f8a6f03-aebe-11e8-8a14-33bb574b6291′]
