नवी दिल्ली, वृत्तसंस्था : मध्य प्रदेशच्या बैतूल जिल्हा न्यायालयात तैनात एडीजे आणि त्याच्या मुलाच्या मृत्यूच्या प्रकरणाने आता नवीन वळण घेतले आहे. एडीजे महेंद्र त्रिपाठी आणि त्यांचा मोठा मुलगा अभियान राज त्रिपाठी यांचा फूड पॉइझनिंगमुळे उपचारादरम्यान नागपुर येथे मृत्यू झाला होता. एडीजे महेंद्र त्रिपाठी यांचा लहान मुलगा आशिष राज त्रिपाठी यांनी एका महिलेला वडील आणि भावाच्या मृत्यूसाठी जबाबदार असल्याचे सांगत त्यांना ठार मारण्याबाबत कट रचल्याचा आरोप केला आहे.
आशिष राज म्हणतात की संध्या सिंह नावाच्या महिलेने वडिलांना पीठ दिले होते ज्याची भाकर खाल्ल्यानंतर तिघांची प्रकृती खालावली आणि यामुळे वडील व भावाचा मृत्यू झाला. आशिष यांनी सांगितले की संध्या सिंह गेली दहा वर्षे वडिलांशी संपर्कात आहे आणि यापूर्वीही तिने अनेक मार्गांनी त्यांच्या कुटुंबाला संपविण्याचा कट रचला आहे.
आशिष यांनी या गोष्टीचा खुलासा करत सांगितले की, ‘वडिलांनी मला रस्त्यात सांगितले होते की बेटा हे पीठ संध्या सिंह नावाची एक महिला आहे, तिने 20 तारखेला कोर्टाच्या बाहेर माझ्याकडून मागवले. तिने सांगितले की पंडितकडून पूजा करण्यासाठी पाहिजे आणि जर तुम्ही ते तुमच्या घरी पूर्णपणे मिसळले तर सर्वांचे आरोग्य चांगले राहील आणि चांगली भरभराट होईल. वडील म्हणाले- बेटा, हे तेच पीठ होते जे मी आपल्या घरातील पीठामध्ये मिसळले होते.’
याबद्दल मुलाने सांगितले की, त्याच्या कुटुंबाची अत्यंत निर्दयीपणे हत्या करण्यात आली आहे. एकाच वेळी 4 लोकांना मारण्याचा हा कट असून यामागे कोण असेल याचा पत्ता देखील लागू नये अशी योजना आखण्यात आली होती. रविवारी नागपूरमध्ये वडिलांच्या आणि मुलाच्या निधनानंतर त्यांचे पार्थिव कटनी जिल्ह्यातील त्यांच्या गावी आणले गेले, जिथे सोमवारी दुपारी त्यांच्यावर अंत्यसंस्कार करण्यात आले. वडील व मुलाच्या मृत्यूमुळे गावात शोककळा पसरली आहे.