Coronavirus : पुण्यात 15 दिवसात तयार झालं ‘कोरोना’ स्पेशल हॉस्पिटल, 70 रुग्णांना केलं ‘शिफ्ट’

पुणे, पोलीसनामा ऑनलाईन : देशात वेगाने पसरत असलेल्या कोरोना विषाणूचा सर्वाधिक परिणाम महाराष्ट्रावर दिसत आहे. महाराष्ट्रात कोरोना विषाणूची लागण झालेल्या रूग्णांची संख्या 2,684 पर्यंत पोहोचली आहे, तर आतापर्यंत 178 लोकांचा बळी गेला आहे. या सर्वांच्या पार्श्वभूमीवर, पुण्यात महाराष्ट्रातील पहिले कोरोना विशेष रुग्णालय तयार झाल्याचे वृत्त समोर आले आहे. ससून हॉस्पिटल संकुलात या 11 मजली इमारतीचे बांधकाम 2008 पासून सुरू आहे. सध्या या रुग्णालयाला पूर्ण होण्यास एक वर्ष लागेल, परंतु कोरोना विषाणूच्या तीव्रतेमुळे ते 15 दिवसांत पूर्ण झाले. या रुग्णालयात 700 खाटांची सोय आहे. सोमवारी 70 पेक्षा जास्त कोरोनाचे रुग्णही येथे हलविण्यात आले.

पीडब्ल्यूडी अधीक्षक राजेंद्र रहाणे म्हणाले की आम्ही मार्चमध्ये पुन्हा एकदा या इमारतीचे काम सुरू केले तेव्हा त्यात प्लास्टर, पेंटिंग, लिफ्ट, पाणी व्यवस्था अशी बरीच कामे बाकी होती. देशात कोरोना विषाणूची तीव्रता आणि त्याचे गंभीर परिणाम महाराष्ट्रात पाहिल्यानंतर त्याचे काम युद्धपातळीवर करण्यात आले. सर्वप्रथम या इमारतीत अग्निशमन यंत्रणा, भूमिगत पाइपलाइन, पाण्याच्या पाइपलाइन, वैद्यकीय गॅस पाइपलाइन आणि तत्सम अन्य व्यवस्थेचे काम वेगाने करण्यात आले.

लॉकडाऊनमुळे काम करण्यात बऱ्याच अडचणी येत आहेत. सर्व नोकरी करणारे कर्मचारी लॉकडाऊनमुळे आपली घरे सोडून बाहेर निघू शकत नाहीत. अशा परिस्थितीत सर्व कर्मचार्‍यांना आणून नेण्याची जबाबदारी घेण्यात आली. असे म्हटले जाते की 9 दिवसात संपूर्ण रुग्णालयात ऑक्सिजन पुरवठा यंत्रणा बसविली गेली. यानंतर, संपूर्ण इमारत वातानुकूलित करण्यासाठी नवीन ट्रान्सफॉर्मर देखील बसविण्यात आले. 11 मजल्यांच्या या इमारतीला 36 तासांच्या आत विद्युत कनेक्शन देण्यात आले.

ससून हॉस्पिटल कॉम्प्लेक्समध्ये सध्या 40 व्हेंटिलेटरची व्यवस्था करण्यात आली आहे. श्वास घेण्यात अडचण आल्यास कोरोना रूग्णांना व्हेंटिलेटर लावले जाते. सोमवारी 70 कोरोना रुग्णांना या रुग्णालयात हलविण्यात आले आहे. अशा परिस्थितीत हे 40 व्हेंटिलेटर त्यांच्यासाठी पुरेसे आहेत.