ताज्या बातम्याआंतरराष्ट्रीय

बेल्जियममध्ये ‘कोरोना’ व्हायरस धोका, PM नरेंद्र मोदींचा दौरा तात्पुरता रद्द

Narendra Modi File Photo

नवी दिल्ली : वृत्तसंस्था – प्रधानमंत्री नरेंद्र मोदींनी आपला बेल्जियम दौरा रद्द केला आहे. कोरोना विषाणूच्या वाढत्या धोक्यामुळे प्रधानमंत्री नरेंद्र मोदींनी हा निर्णय घेतला आहे. प्रधानमंत्री मोदी यांना भारत-युरोपियन युनियन शिखर परिषदेत भाग घेण्यासाठी बेल्जियमची राजधानी ब्रुसेल्स येथे जावे लागणार होते. ही परिषद देखील तहकूब करण्यात आली असून संमेलनाची तारीख अद्याप ठरलेली नाही.

परराष्ट्र मंत्रालयाचे प्रवक्ते रवीश कुमार यांनी गुरुवारी सांगितले की पंतप्रधान मोदींच्या ब्रुसेल्स भेटीचे वेळापत्रक पुन्हा निश्चित केले जाईल. जोपर्यंत भारत-युरोपियन युनियन शिखर परिषदेचा प्रश्न आहे, असा निर्णय घेण्यात आला होता की एकमेकांच्या देशांमध्ये प्रवास करू नये.

त्याचवेळी बांग्लादेश दौर्‍यासंदर्भात परराष्ट्र मंत्रालयाने सांगितले की हा दौरा होईल. यासंबंधित पुढील माहिती सामायिक केली जाईल.