Lockdown : ‘अनियोजित’ लॉकडाऊनवर भडकल्या सोनिया गांधी, म्हणाल्या – ‘जगात कोणत्या देशानं असं नाही केलं’

नवी दिल्ली : वृत्तसंस्था – कोरोनाचे संकट आणि लॉकडाऊनमुळे काँग्रेस कमिटीची बैठक गुरुवारी व्हिडिओ कॉन्फरन्स द्वारे झाली. यादरम्यान काँग्रेसच्या अंतरिम अध्यक्षा सोनिया गांधी यांनी मोदी सरकारवर निशाणा साधला. त्या म्हणाल्या की, २१ दिवसांचे लॉकडाऊन गरजेचे होते, पण याला अनियोजितपणे लागू केले गेले आहे. लॉकडाऊनमुळे लाखो प्रवासी मजुरांचे हाल झाले आहेत.

मोदी सरकारकडे मागणी करत सोनिया गांधी म्हणाल्या की, सरकारने डॉक्टर, नर्सेस आणि वैद्यकीय कर्मचार्‍यांना वैयक्तिक संरक्षक उपकरणे उपलब्ध करुन दिली पाहिजेत. शासनाने नियुक्त केलेल्या रुग्णालयांची माहिती, बेडची संख्या, क्वारंटाइन व चाचणी सुविधा आणि वैद्यकीय पुरवठा याची माहिती द्यावी. कापणीसाठी शेतकऱ्यांवरील बंदी उठवली पाहिजे.

सोनिया गांधी यांनी केंद्र सरकारला मध्यमवर्गासाठी एक किमान मदत कार्यक्रम तयार करुन प्रकाशित करण्याचे आवाहन केले. त्या म्हणाले की, कॉंग्रेस सरकारने, फ्रंटल संघटना, आपल्या नेत्यांनी आणि कार्यकर्त्यांनी पुढे यावे आणि ज्या कुटुंबांना जास्त धोका आहे अशा कुटुंबांना मदत करावी.

कामगारांच्या पलायनावर राहुल गांधींनी मोदी सरकारवर निशाणा साधत म्हटले की, आम्ही दोन महिन्यांपासून कोरोनावर लक्ष ठेवत आहोत आणि तज्ञांशी बोलत आहोत. जगातील असा कोणताही देश नाही जो कामगारांच्या राहण्याची, खाण्याची आणि रेशनिंगची व्यवस्था न करता लॉकडाउन जाहीर करतो.

त्याच वेळी उत्तर प्रदेश सरकारवर निशाणा साधत प्रियंका गांधी वड्रा म्हणाल्या, ‘यूपीतील कामगारांच्या पलायनाची चित्रे पाहून खूप दु:ख होते. आमचे कार्यकर्ते या मजुरांना अन्न आणि औषध देत आहेत. या मजुरांना अमानुषपणे क्वारंटाइन केले जात आहे आणि त्यांच्यावर कीटकनाशकांची फवारणी केली जात आहे.’

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
Cinque Terre
You might also like