Coronavirus : ‘कोरोना’चे आणखी 6 नवीन लक्षणं आली समोर, ‘या’ गोष्टींकडे अजिबात दुर्लक्ष नका करू, जाणून घ्या
पोलीसनामा ऑनलाइन टीम – कोरोना विषाणूची सुरुवातीच्या लक्षणे कोरडा खोकला, जास्त ताप आणि श्वसनविषयक समस्या असल्याचे सांगितले जात होते. परंतु आता या आजाराची इतर अनेक लक्षणे समोर आली आहेत, जी यूएस हेल्थ इन्स्टिट्यूट सीडीसी (रोग आणि प्रतिबंध केंद्र) द्वारे सूचीबद्ध केली आहेत. सीडीसीच्या म्हणण्यानुसार, कोरोना विषाणूच्या तीन प्रमुख लक्षणांव्यतिरिक्त, अशी अनेक लक्षणे आहेत ज्याकडे अद्याप दुर्लक्ष केले जात आहे. सीडीसीने या आजाराची सहा नवीन लक्षणे उघड केली आहेत आणि त्याचे शास्त्रज्ञ असा दावा करतात की ही सर्व लक्षणे २ ते १४ दिवसात दिसू शकतात.
१. सीडीसीच्या म्हणण्यानुसार, कोरोना विषाणूने ग्रस्त असणाऱ्यांना थंडी वाजण्याची समस्या असते. हे असे आहे जेव्हा आपल्याला सामान्य संक्रमण होते तेव्हा आपल्याला सर्दी होते.
२. कोरोना पॉझिटिव्ह आढळल्यास, सर्दीसह, थंडी वाजून येणे किंवा टाइटनेस यासारखे लक्षणे देखील दिसू शकतात. थंडीमुळे रुग्णाचे शरीर गारठू शकते.
३. सीडीसीने सूचीबद्ध केलेल्या नवीन लक्षणांमध्ये स्नायूंच्या वेदनांचेदेखील वर्णन केले आहे. दरम्यान, यापूर्वीही अनेक आरोग्य तज्ञांनी सांधेदुखीच्या समस्येबद्दल सांगितले आहे.
४. कोरोना-संक्रमित व्यक्तीच्या शरीराचे चौथे लक्षण तीव्र डोकेदुखी असल्याचे म्हंटले आहे. चीन आणि अमेरिकेत कोरोना पॉझिटिव्ह लोकांमध्ये तीव्र डोकेदुखीची समस्या दिसून आली.
५. कोरोना संक्रमित व्यक्तीला घश्यात त्रास होऊ शकतो. आतापर्यंत, घसा दुखणे आणि सूज येणे ही समस्या देखील बर्‍याच प्रकरणांमध्ये सांगितली जात होती.
६. सीडीसीने आपल्या अहवालात असा दावा केला आहे की, कोरोना रुग्ण जिभेने कोणत्याही गोष्टीची चव ओळखण्यास असमर्थ असतात. आता बर्‍याच देशांमध्ये कोरोनाची प्रकरणे आली आहेत जिथे जिभेने चव ओळखण्याची क्षमता लोकांनी गमावली आहे.