कोलकत्ता : वृत्तसंस्था – देशभरात कोरोना व्हायरसने थैमान घातले आहे. आत्तापर्यंत हजारो जणांना कोरोनाची लागण झाली तर शेकडो कोरोनाबाधित रुग्णांचा मृत्यू झाला आहे. पश्चिम बंगालमधील निवडणुकीमध्येही कोरोनाने शिरकाव केला आहे. काँग्रेसच्या उमेदवाराचा उपचारादरम्यान मृत्यू झाल्याची धक्कादायक बाब समोर आली आहे.
In Murshidabad district, Samserganj Assembly @INCIndia candidate Rezaul Haque passed away last night due to Corona! The reality we are facing! Wake up and smell the coffee. Survive this year and be alive to see the next new year of the bengali calendar 🙏
— Roahan Mitra (@rohansmitra) April 15, 2021
रेजाउल हक असे या उमेदवाराचे नाव आहे. काँग्रेसकडून त्यांना मुर्शिदाबादमधील शमशेर गंज विधानसभेची उमेदवारी देण्यात आली होती. मात्र, त्यांना कोरोनाची लागण झाली. ही बाब समजल्यानंतर त्यांना रुग्णालयात दाखल करण्यात आले होते. तेथे त्यांच्यावर उपचारही सुरु होते. उपचारादरम्यान गुरुवारी सकाळी त्यांचा कोलकता येथील एका रुग्णालयात मृत्यू झाला. याबाबतची माहिती पश्चिम बंगाल काँग्रेसचे सचिव रोहन मित्रा यांनी ट्विट करून दिली.
दरम्यान, मंगळवारी एकूण 42,214 नमुन्यांची तपासणी केली. त्यापैकी 4,817 जणांना कोरोनाचा संसर्ग झाल्याचे समोर आले. याचवेळी 2,278 बाधितांनी कोरोनावर मात केली. पश्चिम बंगालमध्ये आतापर्यंत 5,84,740 रुग्णांनी कोरोनावर मात केली असल्याची माहिती पश्चिम बंगाल आरोग्य विभागाने दिली आहे.