Coronavirus : ‘कोरोना’च्या संकटामध्ये राज्यात 6 लाख कर्मचार्‍यांबरोबर 25 हजार कंपनीमध्ये कामकाज सुरू
पुणे, पोलीसनामा ऑनलाईन : सहा लाख कामगारांसह किमान 25000 कंपन्यांमध्ये काम सुरू झाले आहे. महाराष्ट्रातील रेड झोनबाहेरील या कंपन्यांना कोविड -19 विरुद्ध लागू असलेल्या लॉकडाऊनमध्ये थोडी सवलत देण्यात आली आहे. राज्याचे उद्योगमंत्री सुभाष देसाई यांनी सोमवारी ही माहिती दिली. पुण्यात मराठा चेंबर्स ऑफ कॉमर्स, इंडस्ट्री अँड अ‍ॅग्रीकल्चरतर्फे आयोजित वेबिनारमध्ये देसाई म्हणाले, ‘महाराष्ट्रात रेड झोनबाहेरील 57,745 उद्योग आहेत. यापैकी 25000 कंपन्यांनी उत्पादन सुरू केले आहे. परदेशी गुंतवणूकदारही याबबत चौकशी करत आहेत.
पश्चिम महाराष्ट्रात 9,147 कंपन्यांना परवानगी देण्यात आली आहे. त्यापैकी 5,774 जणांनी उत्पादन सुरू केले आहे. उद्योगमंत्री म्हणाले की मुंबई, ठाणे, पुणे, पिंपरी चिंचवड येथे उद्योग सुरू करण्यासाठी उद्योजक आग्रह करीत आहेत. ते म्हणाले की, राज्य सरकार घाईत नाही. मुंबई, ठाणे, पुणे आणि पिंपरी चिंचवडमध्ये कोणत्याही उद्योगास परवानगी नाही. याचे कारण या परिसरात कोविड -19 संवेदनशील आहेत आणि ते रेड झोनमध्ये पडतात. मुख्यमंत्री उद्धव ठाकरे संपूर्ण राज्याला ग्रीन झोन बनविण्यासाठी इच्छुक आहेत.
उद्योगांना दिलासा देण्याच्या आश्वासनाबाबतल देसाई म्हणाले, ‘महाराष्ट्रातील लघु उद्योगांसाठी आर्थिक पॅकेज जाहीर केले जाईल. या दिशेने काम अंतिम टप्प्यात आहे. केंद्रीय मंत्री सदानंद गौडा, नितीन गडकरी, पियुष गोयल आणि इतरांशी आम्ही चर्चा करीत आहोत.
महाराष्ट्रात सोमवारी 1,230 नवीन रुग्ण आढळले असून संक्रमित रूग्णांची संख्या 23,401 वर गेली आहे. कोरोना मुंबईत हाहाकार माजवत आहे. सोमवारी महानगरात संक्रमित रूग्णांची संख्या वाढून 14,355 झाली आहे. 20 लोकांचा मृत्यूही झाला आहे. महानगरात आतापर्यंत 528 लोकांनी आपले प्राण गमावले आहे.