AC बद्दल सरकारनं जारी केली ‘अ‍ॅडव्हायझरी’, जाणून घ्या रूमचे ‘तापमान’ किती असावे
air conditionerनवी दिल्ली, वृत्तसंस्था : कोरोना विषाणूचा वाढता उद्रेक आणि वाढणारी उष्णता लक्षात घेता सरकारने निवासी भागात, रुग्णालये आणि कार्यालयांमध्ये एअर कंडिशन (AC) च्या वापरासंदर्भात सल्ला जारी केली आहे. वास्तविक, एसी एका खोलीमधील हवेस फिरवून (री-सर्कुलेट) पुन्हा थंड करण्याच्या नियमांवर कार्य करते. देशाच्या सद्यस्थितीत लोकांच्या मनात शंका आहेत की मॉल, कार्यालये, रुग्णालये इत्यादी ठिकाणी याचा वापर केल्यास हा आजार पसरण्याचा धोका वाढू शकतो.
या सल्ल्यानुसार खोलीचे तापमान 24 डिग्री सेल्सियस ते 30 डिग्री सेल्सियस दरम्यान असले पाहिजे. तर आर्द्रता (Humidity) पातळी 40 ते 70 टक्क्यांच्या दरम्यान असावी. फिल्टर्स स्वच्छ ठेवण्यासाठी एसीची वेळोवेळी दुरुस्ती करणे आवश्यक आहे. यासह, खोल्यांमध्ये एक्झॉस्ट फॅन्स असणे देखील आवश्यक आहे जेणेकरून ताजी हवा सतत येत राहील. तसेच या सल्ल्यात असे देखील म्हटले आहे की राहत्या ठिकाणी खोलींमध्ये एसीच्या थंड हवेसोबतच थोडीशी खिडकी देखील उघडी ठेवली पाहिजे आणि एक्झॉस्ट फॅनद्वारे बाहेरील हवेस देखील आत येऊ दिले पाहिजे.
इंडियन सोसायटी ऑफ हिटिंग रेफ्रिजरेटिंग अँड एअर कंडिशन इंजिनिअर्स यांचे म्हणणे आहे की आर्द्र हवामानात तापमान 24 डिग्री सेल्सिअस पर्यंत असावे, तर कोरड्या हवामानात आर्द्रता काढून टाकावी. तापमान 30 डिग्री सेल्सियस असावे. त्यांनी असे म्हटले आहे की हवेच्या गतीस कायम राखण्यासाठी पंख्याचा वापर केला गेला पाहिजे.
केंद्रीय सार्वजनिक बांधकाम विभाग (सीपीडब्ल्यूडी) ने देशभरातील केंद्र सरकारच्या इमारतींची देखभाल करण्याची जबाबदारी असलेल्या अधिकाऱ्यांना कोविड- 19 साथीच्या पार्श्वभूमीवर एसी संदर्भात जारी करण्यात आलेल्या सल्लागाराचे पालन करण्यास सांगितले आहे. सीपीडब्ल्यूडी ही केंद्र सरकारची मुख्य बांधकाम संस्था आहे.