राष्ट्रीय

Lockdown : 5.29 कोटी लाभार्थ्यांना 3 महिने ‘एकदम’ मोफत रेशन, 32 कोटीहून अधिक ‘या’ लोकांना रोख रक्कमेचा ‘आधार’ : गृह मंत्रालय

file photo file photo

नवी दिल्ली : वृत्तसंस्था – मंगळवारी संध्याकाळी गृहमंत्रालयाने सांगितले की सरकार 5.29 कोटी लोकांना तीन महिन्यासाठी मोफत रेशन दिले जाईल. देशभरात 80 तक्रार केंद्रे सुरू केली आहेत. कामगारांच्या मदतीसाठी पावले उचलली जात आहेत. हेल्पलाईन नंबरवर आलेल्या तक्रारींचे निराकरण केले जात आहे.

5.29 कोटी लाभार्थ्यांना प्रधानमंत्री गरीब कल्याण अन्न योजनेंतर्गत अन्नधान्यांचे मोफत रेशन देण्यात आले आहे. 3,985 मेट्रिक टन डाळी वितरणासाठी विविध राज्ये / केंद्रशासित प्रदेशात पाठविल्या आहेत अशी माहिती अर्थ मंत्रालयांच्या राजेश मल्होत्रा यांनी दिली आहे.

पंतप्रधान गरीब कल्याण पॅकेजच्या जलद अंमलबजावणीवर उच्च स्तरावर नजर ठेवली जात आहे. काल, 32 कोटीहून अधिक गरीबांना पॅकेजअंतर्गत 29,352 कोटींचा थेट रोख आधार देण्यात आला आहे असेही अर्थ मंत्रालयाच्या राजेश मल्होत्रा यांनी सांगितले.

गृहमंत्रालयाचे अतिरिक्त मुख्य सचिव अवनीश अवस्थी यांनी सांगितले की, लॉक डाऊनच्या उल्लंघनाबद्दल 17585 एफआयआर नोंदविण्यात आले असून 22632 वाहने जप्त करण्यात आली आहेत. ज्या लोकांना फेक न्यूज पसरवण्यासंदर्भात 12 टिक टॉक तयार करणाऱ्यांवर कारवाई करण्यात आली आहे. 7 फेसबुक, 2 ट्विटर आणि 1 व्हॉट्सअ‍ॅप अकाउंट्स ब्लॉक केली गेली आहेत.

24 तासांत 1211 नवीन प्रकरणे, 31 मृत्यू

आरोग्य मंत्रालयाचे सहसचिव लव्ह अग्रवाल यांनी मंगळवारी संध्याकाळी नियमित पत्रकार परिषदेत सांगितले की उद्या 31635 नमुन्यांची चाचणी घेण्यात आली आहे. 24 तासांत कोरोनाची 1211 नवीन प्रकरणे उघडकीस आली आहेत. तर या काळात 31 लोकांचा मृत्यू झाला आहे. एकूण प्रकरणांची संख्या 10363 वर गेली आहे. तर आतापर्यंत 1036 रूग्ण बरे झाले आहेत.