Coronavirus : ‘त्या’ प्रकरणामुळं गृह मंत्रालयाकडून 800 विदेशी मौलाना होणार ‘ब्लॅकलिस्टेड’

नवी दिल्ली :  वृत्तसंस्था  –   दिल्लीतील निजामुद्दीन भागात स्थित तबलीग-ए-जमातच्या मरकज येथे धार्मिक समारंभात हजेरी लावल्यानंतर वेगवेगळ्या राज्यांतील कोरोनाव्हायरसचे प्रकरण समोर आले आहेत. यानंतर केंद्रीय गृह मंत्रालयाने तबलीगी जमातकडे अहवाल मागविला आहे. माहितीनुसार, गृह मंत्रालय तबलीगी जमातशी संबंधित इंडोनेशियातील 800 मौलवींना ब्लॅक लिस्ट मध्ये टाकू शकते, याचा अर्थ त्यांना यापुढे भारत भेटीसाठी व्हिसा मिळणार नाही.

गृह मंत्रालयाचे म्हणण्यानुसार, मरकजमध्ये सामील झालेल्या अनेक परदेशी लोकांना व्हिसा देण्याच्या संदर्भात मार्गदर्शक तत्त्वाचे पालन केले गेले नाही. माहितीनुसार, व्हिसा नियमात धार्मिक प्रचार, धार्मिक भाषण इ. मध्ये भाग घेण्यास मनाई आहे. अशा परिस्थितीत सरकार या सर्व परदेशी प्रचारकांवर आजीवन बंदी घालू शकते. हे मौलाना गट तेलंगणा, बिहार, उत्तर प्रदेश, आंध्र प्रदेश, ओडिशा येथे पोचले असल्याचेही समजते. या लोकांनी तेथील मशिदी आणि बर्‍याच सभांमध्ये भाग घेतला. अशा परिस्थितीत कोरोना संक्रमणाचा प्रसार होण्याची शक्यता जास्त झाली आहे.

एका अधिकाऱ्याने सांगितले की, ‘कोविड -19’ मधील तेलंगणात जवळपास 50 टक्के प्रकरणे निजामुद्दीनच्या मरकजशी निगडित आहेत. म्हणजेच, संक्रमित झालेले बहुतेक लोक मरकजमध्ये सामील झाले होते किंवा त्यामध्ये सामील झालेल्या लोकांच्या संपर्कात आले होते. त्याचवेळी दिल्लीच्या 3मंत्र्यांनी सांगितले आहे की, दिल्ली सरकारने तबलीगी जमातच्या धार्मिक कार्यक्रमाच्या आयोजकांविरूद्ध एफआयआर नोंदवण्याच्या सूचना दिल्या आहेत. यासह जवाहरलाल नेहरू स्टेडियमला क्वारंटाईन केंद्र करण्यासाठी सरकारने मान्यता दिलेली नाही. जैन म्हणाले, ‘आम्हाला दोन दिवसांपूर्वी राम मनोहर लोहिया येथे दोन माणसे आल्याची माहिती मिळाली, तेव्हापासून आम्ही कारवाई केली.’

दरम्यान, मलेशिया, इंडोनेशिया, सौदी अरेबिया आणि किर्गिझस्तान यांच्यासह 2,000 हून अधिक प्रतिनिधींनी दिल्लीच्या मरकज येथे 15 ते 18 मार्च या कालावधीत तबलीगी जमातमध्ये भाग घेतला. कोरोना विषाणूमुळे आतापर्यंत एकूण 860 लोकांना मरकजमधून बाहेर काढण्यात आले असून वेगवेगळ्या रुग्णालयात नेण्यात आले आहे. त्याच वेळी, आणखी 300 लोकांना हलवून रुग्णालयात नेले जाईल.

काय म्हणतेय मरकज ?

निजामुद्दीन मरकझचे प्रवक्ते डॉ. मोहम्मद शोएब म्हणाले की, “आम्ही धार्मिक समारंभात सर्दी आणि खोकला समस्या असलेल्या व्यक्तींच्या नावाची यादी आम्ही प्रशासनाला दिली आहे. वय आणि प्रवासाच्या इतिहासाच्या आधारे काही लोकांना रुग्णालयात दाखल केले गेले आहे.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
W3Schools
You might also like