Coronavirus in Maharashtra | चिंताजनक! राज्यात ‘कोरोना’ रुग्णसंख्येत मोठी वाढ, गेल्या 24 तासात 3900 नवीन रुग्ण, जाणून घ्या इतर आकडेवारी
file photoमुंबई : पोलीसनामा ऑनलाइन – राज्यात कोरोना बाधित (Coronavirus in Maharashtra) रुग्णांची संख्या दिवसेंदिवस वाढत असल्याने चिंता व्यक्त केली जात आहे. त्यातच दररोज कोरोनाचा नवा व्हेरियंट ओमिक्रॉनचे (Omycron Variant) रुग्ण आढळून येत असल्याने चिंता अधिक वाढली आहे. आज दिवसभरात राज्यात 3900 नवीन कोरोना बाधित (Coronavirus in Maharashtra) रुग्णांची नोंद झाली आहे. तर 1306 रुग्ण कोरोनामुक्त झाले आहेत.
मागील काही दिवसांपासून कोरोनाची संख्या ही हजारांच्या पुढेच येत आहे. तसेच ओमिक्रॉन व्हेरियंटने देखील चिंता वाढवली आहे. राज्यात आज 85 नवीन रुग्ण आढळून आले आहे. ओमिक्रॉन बाधित रुग्णांची संख्या वाढल्याने आरोग्य विभाग सतर्क झाला आहे. मुंबईत आज अडीच हजार कोरोनाचे नवीन रुग्ण आढळून आल्याने मुंबईची चिंता वाढली आहे.
राज्यात आजपर्यंत 65 लाख 06 हजार 137 रुग्णांनी कोरोनावर (Coronavirus in Maharashtra) मात केली आहे. त्यामुळे राज्यातील रुग्ण बरे होण्याचे प्रमाण (Recovery Rate) 97.61 टक्के झाले आहे. राज्यात आज 20 रुग्णांच्या मृत्यूची नोंद झाली आहे. राज्याचा मृत्यू दर (Fatality Rate) 2.12 टक्के झाला आहे.
राज्यात आजपर्यंत 6 कोटी 87 लाख 68 हजार 760 प्रयोगशाळा तपसण्या करण्यात आल्या आहेत. यामध्ये 66 लाख 65 हजार 386 जणांना कोरोनाची बाधा झाली आहे. राज्यात रुग्ण आढळून येण्याचे प्रमाण 9.69 टक्के आहे. सध्या 14 हजार 065 रुग्णांवर उपचार सुरु आहेत. राज्यात 1 लाख 22 हजार 906 व्यक्ती होम क्वारंटाईनमध्ये (Home Quarantine) आहेत. तर 905 व्यक्ती संस्थात्मक क्वारंटाईनमध्ये (Institutional Quarantine) आहेत.
Maharashtra reports 85 new cases of #Omicron variant of Coronavirus
State records 3,900 fresh COVID cases and 20 deaths today, taking total active cases to 14,065 pic.twitter.com/xcuTMKbYxV
— ANI (@ANI) December 29, 2021
Web Title :- Coronavirus in Maharashtra | Corona 3900 new patients in state in last 24 hours, find out other statistics
Join our WhatsApp Group, Telegram, facebook page and Twitter for every update