COVID-19 : शरीरावर किती भयानक पध्दतीनं हल्ला करतो ‘कोरोना’, फोटोंमध्ये दिसून आलं (Photos)

नवी दिल्ली : वृत्तसंस्था – अमेरिकेच्या कॅलिफोर्निया विद्यापीठाच्या संशोधकांच्या नेतृत्वात वैज्ञानिकांच्या आंतरराष्ट्रीय टीमने कोरोना विषाणूवर ( SARS-CoV-2) अभ्यास केला आहे, ज्याचे आश्चर्यकारक परिणाम दिसून आले आहेत. कोरोनाच्या मानवी शरीरावर झालेल्या हल्ल्याबद्दल अशी काही माहिती समोर आली आहे, ज्याबद्दल अद्याप शास्त्रज्ञांना माहिती नव्हती. वैज्ञानिकांनी त्यासंबंधित छायाचित्रेही प्रकाशित केली आहेत. या अभ्यासानंतर कोरोनाविरूद्ध उपचार विकसित करण्यास मदत होऊ शकते. अभ्यासानुसार, शास्त्रज्ञ शरीरात कोरोना आणि शरीरात त्याचे होस्ट यातील संबंध समजून घेण्याचा प्रयत्न करीत होते. या कालावधीत आढळले की, SARS-CoV-2 मानवी पेशीस संक्रमित झाल्यानंतर भयंकर बदल घडवते. यानंतर, विषाणूच्या निर्देशानुसार, मानवी पेशींमध्ये विस्तार पाहायला मिळतो.

शुक्रवारी सेल नावाच्या एका जर्नलमध्ये प्रसिद्ध झालेल्या अभ्यासानुसार जेव्हा कोरोना विषाणू मानवी शरीरात एखाद्या पेशीस संक्रमित करते आणि त्यावर नियंत्रण मिळवितो. तेव्हा ती पेशी त्याच्या शेजारच्या पेशीलाही संक्रमित करण्यात सुरुवात करते. हा अभ्यास करणाऱ्या संशोधकांनी म्हटले आहे की, कोरोना विषाणू शरीराच्या संक्रमित पेशीला इतका सक्षम बनवितो की, तो आपल्या सभोवतालच्या पेशीचा नाश करू शकतो. यामुळे, कोरोना विषाणू खूप शक्तिशाली होतो.

संशोधकांचे म्हणणे आहे की, या अभ्यासानंतर त्यांनी काही औषधे देखील शोधली आहेत, ज्यामुळे शरीरात कोरोनाचा प्रसार कमी होऊ शकतो. यामध्ये काही औषधे समाविष्ट आहेत जी कर्करोगाच्या उपचारांसाठी वापरली जातात. यामध्ये सिल्मिटासर्टिब, रॅलिमेटीनिब, गिल्टेरिटिनीब यासारख्या औषधांचा समावेश आहे.