Coronavirus Lockdown : पुण्यात सील केलेल्या ‘त्या’ परिसरांमध्ये ‘कर्फ्यू’, जाणून घ्या कुठं-कुठं

पोलीसनामा ऑनालाइन – कोरोना व्हायरसनं जगभरात थैमान घातलं आहे. भारतात आणि महाराष्ट्रात देखील कोरोनामुळं बिकट परिस्थिती निर्माण झाली आहे. याच पार्श्वभुमीवर पंतप्रधान नरेंद्र मोदी यांनी देशात 21 दिवसांचं लॉकडाऊन केलं होतं. त्यानंतर देखील काही नागरिक घराच्या बाहेर पडताना दिसत होते. दरम्यान, पुणे शहरात कोरोनाबाधितांची संख्या वाढली. तसेच कोरोनामुळं पुण्यामध्ये आतापर्यंत 8 जणांचा मृत्यू झाला. त्यामुळं प्रशासनानं पुण्यातील काही भाग सील करण्याचं ठरवलं आणि त्याप्रमाणे सोमवारी प्रशासनानं पुण्यातील काही परिसर सीलबंद केला. त्यानंतर पोलिस प्रशासनाच्या वतीने सह पोलिस आयुक्त रविंद्र शिसवे यांनी त्या परिसरात संपुर्ण संचार बंदी म्हणजेच कर्फ्यू लागू केला आहे. तो 14 एप्रिल पर्यंत लागू राहणार असल्याचं सह आयुक्त रविंद्र शिसवे यांनी सांगितलं आहे.

या परिसरात संपुर्णपणे कर्फ्यू लागू करण्यात आला आहे.

खडक पोलीस ठाणे : मक्का मस्जिद, यादगार बेकरी ते दलाल चौक, मोहसिन जनरल स्टोअर्स, शमा फॅब्रिकेशन, शहीद भगतसिंग चौक, उल्हास मित्र मंडळ, राजा टॉवर, इम्युनल चर्चची मागील बाजू, हाजी इसाक शेख उद्दीन पथ, पुष्पम ज्वेलर्स, मंगल क्लबजवळ महाराणा प्रताप रोड, मिठगंज पोलीस चौकी, रॉयल केटरर्स समोरील बोळ, जाहीद लेडीज टेलर्स, चाँदतारा चौक, मदिना केटरर्स, घोरपडे पेठ पोलीस चौकी, इकबाल स्क्रॅप सेंटर या ठिकाणांचे आतील परिसऱ

फरासखाना पोलीस ठाणे : मंगळवार पेठेतील कागदीपूरा, मंगळवार पेठ १५७, मंगळवार पेठ गाडीतळ चौक, कामगार पुतळा रोड २२०, मंगळवार पेठ २२४, मंगळवार पेठ २२६, मंगळवार पेठ़
रविवार पेठ – गोविंद हलवाई चौक, हमजेखान चौक, गुरुद्वारा रोड, देवजीबाबा चौक

स्वारगेट पोलीस ठाणे : मीनाताई ठाकरे वसाहत कमान – महर्षीनगरपासून ते गिरीधर भवन चौकापर्यंतच्या रस्त्याच्या डावीकडील भाग, महावीर प्रतिष्ठानपासून राधास्वामी सत्संग ब्यासकडे जाणार्‍या रस्त्याचे डाव्या बाजूस असलेले सूर्यमुखी गणेश मंदिरपासून पुढे राधास्वामी सत्संग ब्यासपर्यंतची

डावीकडील बाजू़
राधास्वामी सत्संग ब्यासपासून डायस प्लॉट चौकाकडे जाणार्‍या रस्त्यावरील डायस प्लॉट चौकापर्यंतचा डाव्या बाजूचा खिलारे वस्ती व पी अ‍ँड टी कॉलनी यांचे सीमा भिंतीपर्यंतचा भाग व राधास्वामी सत्संग ब्यासपासून डायस प्लॉट चौकाकडे जाणार्‍या रस्त्यावरील डायस प्लाँट चौकापर्यंचा उजव्या बाजूचा भाग
डायस प्लॉट चौक ते सेव्हन लव्हज चौकाकडे जाणार्‍या रस्त्यावरील डायस प्लॉटपर्यतचा रस्त्याचा

उजवीकडील भाग.
डायस प्लॉट चौकाकडून लक्ष्मी नारायण चौकाकडे (सातारा रोड) जाणार्‍या डायस प्लॉट चौकापासून मीनाताई ठाकरे वसाहत कमानपर्यंतचा डावीकडील भाग़
गिरीधर भवन चौक ते डायस प्लॉट चौक या रस्त्याच्या उजव्या व डाव्या बाजूचा भाग
डायस प्लॉट चौक ते राधास्वामी सत्संग ब्यास दरम्यानचा रस्ता

कोंढवा पोलीस ठाणे : अशोका म्युज सोसायटी, आशिर्वाद चौक, मिठानगर, सत्यानंद हॉस्पिटल गल्ली, भैरोबा मंदिर, पीएमटी बसस्टॉप, संत गाडगे महाराज शाळा, साई मंदिर ब्रम्हा अ‍ॅव्हेन्यू सोसायटी, शालीमार सोसायटी, कुमार पृथ्वी गंगाधाम रोड, मलीकनगऱ
या भागात संपूर्ण कर्फ्यु लागू करण्यात आला आहे.

या आदेशातून पोलीस, आरोग्य विभाग, दवाखाना, औषधालये, अत्यवस्थ रुग्णांची वाहतूक, कोरोना प्रतिबंधक उपाय योजना संबंधित मनपा व शासकीय सेवा देणारे अधिकारी कर्मचारी यांना वगळण्यात आले आहे. याव्यतिरिक्त पोलिसांनी परवानगी दिलेल्या व्यक्तींना लागू नसतील़ मात्र, त्यासाठी त्यांचे अधिकृत ओळखपत्र,आवश्यक कागदपत्रे व या विशेष कार्यासाठी नेमणूकीबाबतचे आदेश सोबत बाळगणे बंधनकारक असेल.

कर्फ्यु लागू करण्यात आलेल्या भागातील जीवनाश्यक वस्तू व सेवा याबाबत स्वतंत्र आदेश काढण्यात येणार आहे.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
Cinque Terre
You might also like