Coronavirus : भारतीय रुग्णांमध्ये 17 देशांसारखे ‘व्हायरस’, ‘रंग-रूप’ बदलून ‘विनाश’ करतोय ‘कोरोना’, जाणून घ्या

नवी दिल्ली : वृत्तसंस्था – देशात कोरोना विषाणूचा कहर थांबण्याचे नावच घेत नाही. याचे एक कारण म्हणजे कोरोना विषाणूचे रंग-रूप बदलणे हे देखील आहे. हा विषाणू प्रत्येक देशात, प्रत्येक राज्यात वेगवेगळ्या स्वरूपात येत आहे. पूर्वी A, B आणि C हे तीन रूप सांगितले जात होते. त्यानंतर भारतात S आणि L हे दोन रूप देखील समोर आले. जोपर्यंत शास्त्रज्ञ त्यातील कुठल्याही प्रकारावर संशोधन करतात तेव्हा त्याचे एक वेगळे रूप समोर येते.

जेव्हा तुम्ही या बहरुपिया विषाणूबद्दल जाणून घ्याल तेव्हा तुम्हालाही धक्का बसेल. वास्तविक, कोरोना विषाणू इतका शातिर आहे की तो हवामान आणि ठिकाणानुसार रूप बदलून लोकांना संक्रमित करीत आहे. यामुळे वैज्ञानिकही हैराण झाले आहेत. जेव्हा वैज्ञानिक एखाद्या निष्कर्षावर पोहोचण्याचा प्रयत्न करतात, तेव्हा कोरोनाचे एक नवीन रूप प्रकट होते. जाणून घेऊया की हा कोरोना विषाणू वेगवेगळ्या प्रकारांनी लोकांना कसा मारत आहे.

कोरोना विषाणूचे रंग-रूप बदलत आहे

वास्तविक, कोरोनाच्या बदलत्या रंग-रूपाची कहाणी वुहानपासून सुरू होते. चीनच्या नॅशनल सेंटर फॉर बायोइन्फॉर्मेशनच्या अभ्यासानुसार, 10,000 नमुन्यांच्या आधारे विषाणूचे 4300 उत्परिवर्तन नोंदविण्यात आले. त्याच वेळी, समोर आले की कोरोनाचे तीन स्ट्रेन असतात, ते म्हणजे ए, बी आणि सी. परंतु भारतीय शास्त्रज्ञांना असे वाटते की काही स्ट्रेन असे देखील आहेत, ज्यांच्या शक्तीचा पूर्वानुमान लावता येणे कठीण आहे. भारतीय शास्त्रज्ञांच्या अंदाजाचा आधार म्हणजे देशातील वेगवेगळ्या रुग्णांमध्ये वेगवेगळे बदल असणारे कोरोना विषाणूची उपस्थिती होती. जसे जयपूरमध्ये संक्रमित झालेल्या इटलीमधील नागरिकांमध्ये चेक गणराज्य, स्कॉटलंड, फिनलँड, इंग्लंड, स्पेन, शांघाय आणि आयर्लंडमध्ये पसरलेल्या विषाणूशी समानता दिसून आली. दिल्लीतील रूग्णाच्या संपर्कात आलेल्या आग्राच्या रूग्णांमध्ये मिळणाऱ्या संक्रमणाचा स्ट्रेन नेदरलँड, हंगेरी, फ्रान्स, जर्मनी, ब्राझील आणि स्वित्झर्लंडसारखा होता.

S स्ट्रेनपेक्षा जास्त प्राणघातक आहे L स्ट्रेन असणारा कोरोना विषाणू

दरम्यान, भारतीय रूग्णातही विषाणूचा पाचवा बदल वैज्ञानिकांनी पाहिला. आतापर्यंत भारतीय रुग्णांमध्ये 17 हून अधिक देशांमधील विषाणू सापडले आहेत. शास्त्रज्ञ म्हणतात की भारतीय रूग्णांमध्ये आतापर्यंत आढळणारे विषाणू कोणत्याही एका देशाच्या विषाणूसारखे नाहीत. केरळमध्ये S विषाणूने हाहाकार माजवला तर मध्य प्रदेश आणि गुजरातमध्ये L स्ट्रेन असणारा कोरोना विषाणू मृत्यूंची संख्या वाढवीत आहे. सुरुवातीच्या अहवालानुसार L स्ट्रेन असणारा कोरोना विषाणू S स्ट्रेन विषाणूपेक्षा जास्त प्राणघातक मानला जात आहे.

मध्य प्रदेश आणि गुजरातमध्ये कोरोनाच्या L स्ट्रेनने केला कहर

भारतातील कोरोनाचा सर्वात धोकादायक प्रकार म्हणजे L स्ट्रेन. गुजरात आणि मध्य प्रदेशात याचा कहर पाहण्यास मिळत आहे. परिस्थिती इतकी वाईट आहे की या दोन राज्यात कोरोनाची प्रकरणे दररोज वाढत आहेत. असे काहीतरी आहे ज्यामुळे या राज्यांमध्ये कोरोनाचा कहर वाढतच आहे. भारतीय शास्त्रज्ञ त्यांच्या स्तरावर तपासणीत गुंतले आहेत. राज्य त्यांच्या पातळीवर या रहस्याचा तपास करण्याचा सर्वतोपरी प्रयत्न करीत आहेत. कोरोना संसर्गाच्या बाबतीत गुजरात दुसर्‍या क्रमांकावर आहे. येथे रूग्णांची संख्या 3300 च्या पुढे गेली आहे, तर दीडशेहून अधिक लोक मरण पावले आहेत. गुजरात बायोटेक्नॉलॉजी रिसर्च सेंटरच्या एका शास्त्रज्ञानेही गुजरातमधील L स्ट्रेनच्या घटनेची पुष्टी केली आहे.

कोरोनाच्या बदलत्या स्वरूपाचे संशोधन करणे ठरत आहे आव्हान

मध्य प्रदेशातील हॉटस्पॉट इंदूरमध्ये कोरोनाच्या नव्या रूपासंदर्भात अभ्यासाची तयारी जोरात सुरू आहे. संपूर्ण राज्यात रुग्णांची संख्या 2 हजारांच्या पलीकडे गेली आहे. कोरोनाची लढाई अनेक पद्धतीने लढली जात आहे. एकीकडे चीनमधून येणाऱ्या विषाणूपासून लोकांना वाचविण्याचे आव्हान आहे, तर दुसरीकडे, रूप बदलणाऱ्या या विषाणूवर लवकरात लवकर रिसर्च करून यावर तोडगा काढण्याचे प्रयत्न केले जात आहेत.