Coronavirus : US – ‘कोरोना’चं कोणतही लक्षण नाही, 30 ते 49 वयोगटातील लोकांचा होतोय अचानकपणे मृत्यू
नवी दिल्ली, वृत्तसंस्था : अमेरिकन डॉक्टरांनी चेतावणी दिली आहे की कोरोना विषाणूमुळे 30 ते 49 वर्षे वयोगटातील बरेच लोक अचानक मरत आहेत. त्यापैकी असे बरेच लोक आहेत जे अजिबात आजारी दिसत नाहीत आणि त्यांना कोणतीही लक्षणे दिसत नाहीत. परंतु अचानक आलेल्या धक्क्या (स्ट्रोक) मुळे लोक मरत आहेत. न्यूयॉर्कमध्ये बऱ्याच लोकांचा मृत्यू त्यांच्या घरातच झाला आहे.
एका वृत्तानुसार, मॅनहॅटन येथील एमएसबीआय हॉस्पिटलचे डॉक्टर थॉमस ऑक्सली म्हणाले की त्यांच्या एका रुग्णाने कोणतेही औषध घेतले नव्हते, यापूर्वी त्यांना कोणतीही समस्या नव्हती. इतर लोकांप्रमाणेच तो रुग्णही लॉकडाऊनमध्ये घरातच होता. अचानक त्यांना बोलण्यात अडथळा निर्माण झाला. तपासणी दरम्यान, ते स्ट्रोकचे बळी असल्याचे निष्पन्न झाले आणि त्यांच्या डोक्यात मोठे ब्लॉकेज झाले होते. तपासणीत त्यांना कोरोनाची लागणही आढळली. रुग्णाचे वय केवळ 44 वर्षे होते. तथापि, अशा तीव्र आघातग्रस्त लोकांचे आतापर्यंतचे सरासरी वय 74 वर्षे राहिले आहे. परंतु कोरोना विषाणूमुळे कमी वयाच्या लोकांचा मृत्यू स्ट्रोकमुळे होत आहे.
न्यूरोलॉजिस्ट थॉमस ऑक्सली म्हणाले की जेव्हा त्यांनी रुग्णाच्या डोक्यातून क्लॉट हटवण्याची प्रक्रिया सुरू केली तेव्हा त्यांनी मॉनिटरवर पाहिले की त्याच वेळी त्यांच्या डोक्यात नवीन क्लॉट तयार होत आहेत. सध्या अमेरिकेतील बर्‍याच रुग्णालयात स्ट्रोक ग्रस्त रूग्णांची संख्या वाढली आहे. तपासादरम्यान, स्ट्रोकचा बळी पडलेल्या बर्‍याच लोकांना कोरोना पॉझिटिव्ह असल्याचे दिसून आले. बर्‍याच रुग्णांमध्ये यापूर्वी संसर्गाची कोणतीही लक्षणे दिसली नव्हती.
पूर्वी समजले जात होते की कोरोनामुळे सामान्यतः शरीराच्या फुफ्फुसांवर परिणाम होतो. परंतु रूग्णांची वाढती संख्या आणि बर्‍याच अभ्यासांनी हे सिद्ध केले आहे की कोरोना शरीराच्या जवळजवळ प्रत्येक भागावर परिणाम करतो. कोरोनामुळे शरीरात असे अनेक आजार होत आहेत, जे डॉक्टरांना समजण्यास कठीण जात आहे.
आतापर्यंत कोरोना आणि स्ट्रोकबद्दल फारच कमी माहिती उपलब्ध आहे. परंतु आता अमेरिकेची तीन मोठी वैद्यकीय केंद्रे कोरोना रूग्णांमध्ये स्ट्रोकच्या घटनांशी संबंधित डेटा प्रकाशित करणार आहेत. एकूण रूग्णांमध्ये स्ट्रोक्सने बळी ठरलेल्यांची संख्या कमी आहे, परंतु विषाणूचा शरीरावर काय परिणाम होतो, या संदर्भात हे महत्वाचे आहे.
स्ट्रोक दरम्यान रक्त पुरवठा अचानक प्रभावित होतो. डॉक्टरांसाठी ही आधीपासूनच एक जटिल समस्या बनली आहे. हे हृदयाची समस्या, कोलेस्ट्रॉल, औषधे घेणे इत्यादीमुळे होऊ शकते. मिनी स्ट्रोकमध्ये सहसा जास्त धोका नसतो परंतु मोठा स्ट्रोक प्राणघातक ठरू शकतो आणि कोरोना व्हायरसमुळे रुग्णांना तीव्र स्ट्रोकचा सामना करावा लागत आहे.