काय सांगता ! होय, स्टेजवर गाणं गाताना गायकाच्या केसांना लागली ‘आग’, तरी देखील वाजवत राहिला ‘वाद्य’

अमेरिका (लोआ) : वृत्तसंस्था – अमेरिकेच्या लोआ शहरामध्ये एक गायक मंचावर गाणं सादर करत होता. तो गाणं म्हणण्यात तो इतका हरवून गेला की त्याच्या केसांना आग लागली याची त्याला कल्पनाच नव्हती. गायक आग लागल्यानंतर देखील आपल्या सुरात गाणं गात राहिला आणि मागे बँडमध्ये काम कारणाऱ्या त्यांच्या सहकार्यांनी त्याच्या केसांची आग विझवली. गायक यामुळे जराही घाबरला नाही उलट गिटार वाजवतच राहिला.

हे प्रकरण लोआ शहराच्या के डेट्राइट रॉक सिटीचे आहे. जेथे हिप हॉप सिंगर बॉबी जेनसन आपल्या बॅंडसह ‘किस क्लासिक शो’ करत होते. या दरम्यान गायक आणि गिटार वादक बॉबी सादरीकरण करत होते. अचानक मागे लावण्यात आलेल्या फायर वर्क्सची ठिणगी उडून गायकाच्या केसांवर पडली.

आग लागल्यानंतर देखील गायक बॉबी गातच राहिला आणि त्याला याची माहिती देखील नव्हती. परंतु त्यांच्या बॅंडमधील लोकांनी गायकांच्या डोक्यावरील आग विझवली. हे होत असताना देखील तो तल्लीन होऊ गाणं गात होता.

आता हा व्हिडिओ सोशल मीडियावर व्हायरल होत आहे. कार्यक्रम संपल्यानंतर गायक जेनसनने सांगितले की त्याच्या केसाला आग लागली होती आणि त्याने कोणत्याही प्रकारचे विग लावलेले नव्हते. यावर बोलताना पुढे तो म्हणाला की, शो मध्ये घडलेली घटना चांगलीच होती. आता माझ्याकडे एलिस कूपर पेक्षा चांगला हेअर कट आहे