COVID 19 मधून बरे झाल्यानंतर तुमची मुले ‘या’ आजारांची शिकार तर होत नाही ना? जाणून घ्या लक्षणे
पोलीसनामा ऑनलाइन टीम – कोरोना विषाणूच्या (COVID 19) दुसऱ्या लाटेचा प्रौढांवर तसेच मुलांवरही परिणाम होत आहे. त्याचवेळी, आता कोरोनामधून (COVID 19) बरे झालेल्या मुलांमध्ये नवीन लक्षणे दिसू लागली आहेत. दिल्लीत मल्टी-सिस्टम इंफ्लेमेटरी सिंड्रोम (MSI-C) नावाच्या आजाराने ग्रस्त मुलांची 177 प्रकरणे नोंदली गेली आहेत. 6 महिने ते 15 वर्षे वयोगटातील मुले या आजाराला बळी पडतात. या आजाराची लक्षणे कोणती आहेत ते जाणून घ्या…
तज्ज्ञ म्हणतात की कोरोना विषाणूची लागण झालेल्या मुलांमध्ये न्यूमोनिया किंवा अँटीबॉडीशी संबंधित इनफ्लेमेशन दिसून आली. त्याच वेळी, मुलांमध्ये मल्टी-सिस्टम इनफ्लेमेशन सिंड्रोमची प्रकरणे झपाट्याने वाढत आहेत.
_मल्टी-सिस्टम इन्फ्लेमेशन सिंड्रोमची लक्षणे
1) तज्ज्ञांच्या मते, जर मुल मल्टी-सिस्टम इनफ्लेमेशन सिंड्रोमने ग्रस्त असेल तर त्यांना ताप येईल.
2) या आजारामुळे हृदय, फुफ्फुस, मेंदू आणि त्वचेवर सूज येईल.
3) 3 ते 5 दिवस ताप आणि श्वास घेण्यास त्रास होईल.
4) यासोबत पोटात तीव्र वेदना, अतिसार आणि रक्तदाब कमी होणे देखील दिसून येईल.
5) तोंडात फोड, शरीरावर पुरळ उठणे, त्वचा आणि नखे निळे होणे आणि डोळे लाल होणे.
_मुलांच्या आहारात व्हिटॅमिन सी द्या
मुलांना लिंबूवर्गीय फळे, जस्त समृद्ध अन्न यासारखे व्हिटॅमिन-सी समृद्ध अन्न द्या. याशिवाय त्यांच्या आहारात दूध आणि प्रथिने समाविष्ट करा. मुलांना चिप्स, कोल्ड ड्रिंकपासून दूर ठेवा.
_आयसीयूमध्ये दाखल झालेल्या मुलांना जास्त धोका असतो
तज्ज्ञांच्या मते, ज्या मुलांना कोरोनाचा प्रादुर्भाव झाल्यानंतर आयसीयूमध्ये दाखल केले होते त्यांना या आजाराचा धोका जास्त असतो. हा आजार मुलांच्या हृदय, फुफ्फुसांसोबत शरीराच्या इतर भागावर देखील परिणाम करतो.
_पालकांनी सावध रहा
तज्ज्ञ म्हणतात की जर योग्य वेळी हा आजार दिसून आला तर उपचार शक्य आहे. म्हणूनच, कोरोना विषाणूपासून बरे झालेल्या 6 महिने ते 15 वर्षे वयाच्या मुलांच्या पालकांना अधिक सतर्क राहणे आवश्यक आहे. त्याच वेळी, 5 ते 15 वर्षे वयोगटातील मुलांमध्ये अशी फारशी प्रकरणे आढळली नाहीत. दिल्लीव्यतिरिक्त फरीदाबाद आणि गुडगावमध्ये अशी 68 प्रकरणे दिसून आली.
Web Titel :- covid19 | multi inflammatory syndrome in children post covid 19
Join our Whatsapp Group, Telegram, facebook page and Twitter for every update
Ramdas athavle | …शरद पवार निवडून येणार नाहीत, त्यांना बळीचा बकरा करू नये