‘गाई’च्या अँटीबॉडीजमुळे ‘कोरोना’ होईल नष्ट, ‘या’ अमेरिकन कंपनीनं शोधला नवीन ‘उपचार’
नवी दिल्ली, वृत्तसंस्था : कोरोना विषाणूचा नाश करण्यासाठी वैज्ञानिकांना नवीन शस्त्र सापडले आहे. हे शस्त्र गाईच्या शरीरात सापडले आहे. कोरोना विषाणूचा नाश करण्यासाठी गाईच्या शरीरातील अँटीबॉडीजचा वापर केला जाऊ शकतो. हा दावा अमेरिकेच्या बायोटेक कंपनीने केला आहे. अमेरिकन बायोटेक कंपनी सॅब बायोथेरपीटिक्सने (Sab biotherapeutics) म्हटले आहे की अनुवांशिकरित्या सुधारित गाईंच्या शरीरातून टीबॉडीज काढून त्याने कोरोना विषाणूचा नाश करण्यासाठी औषधे तयार केली जाऊ शकतात. कंपनी आपली क्लिनिकल चाचणी लवकरच सुरू करणार आहे.
जॉन्स हॉपकिन्स विद्यापीठातील संसर्गजन्य रोगांचे चिकित्सक अमेश अदाल्जा म्हणाले की, हा दावा खूप सकारात्मक, विश्वासार्ह आणि आश्वासक आहे. कोरोना विषाणूचा पराभव करण्यासाठी आम्हाला अशा वेगवेगळ्या शस्त्रांची आवश्यकता भासेल.
Another promising therapy against #COVID-19 uses cows as antibody factories. https://t.co/8aOVXcbTxi#GoodNews #Coronavirus #KeepInformed #synbio #biotech@SABBantibody @ScienceMagazine
— [email protected] (@Doulix_SynthBio) June 8, 2020
शास्त्रज्ञ सहसा प्रयोगशाळांमध्ये कोशिका किंवा तंबाखूच्या वनस्पतींवर अँटीबॉडीज तपासतात. परंतु बायोथेरपीटिक्स 20 वर्षांपासून गाईंच्या खुऱ्यांमध्ये अँटीबॉडीज विकसित करीत आहेत. कंपनी गाईंमध्ये अनुवांशिक बदल करते. जेणेकरून त्यांच्या रोगप्रतिकारक पेशी धोकादायक आजारांशी लढण्यासाठी अधिक वाढू शकतील. तसेच या गाई मोठ्या प्रमाणात अँटीबॉडीज तयार करतात ज्याचा उपयोग मनुष्यांना बरे होण्यासाठी केला जाऊ शकतो.
पिट्सबर्ग युनिव्हर्सिटीचे रोगप्रतिकार तज्ज्ञ विल्यम क्लिमस्त्रा म्हणाले की या कंपनीच्या गाईंच्या अँटीबॉडीजमध्ये कोरोना विषाणूच्या स्पाईक प्रोटिनला संपवण्याची ताकद आहे. गाय आपल्यामध्येच एक बायोरिअॅक्टर आहे. भयंकर ते भयंकर रोगांविरुद्ध लढण्यासाठी ती मोठ्या प्रमाणात अँटीबॉडी विकसित करते. सॅब बायोथेरपीटिक्सचे सीईओ एडी सुलिवन यांनी सांगितले की इतर लहान जीवांपेक्षा गाईंमध्ये रक्त जास्त प्रमाणात असते. म्हणून त्यांच्या शरीरात अँटीबॉडी अधिक प्रमाणात तयार होतात. जे नंतर सुधारित करून मानवांमध्ये वापरले जाऊ शकतात.
एडी यांनी सांगितले की जगातील बहुतेक कंपन्या कोरोना विषाणूविरूद्ध लढण्यासाठी मोनोक्लोनल अँटीबॉडी विकसित करत आहेत. गाईंमधील चांगली गोष्ट म्हणजे ते पॉलीक्लोनल अँटीबॉडी बनवतात. त्या कोणताही विषाणू नष्ट करण्याच्या बाबतीत मोनोक्लोनल अँटीबॉडीपेक्षा अधिक सक्षम आहेत. एडी सुलिवन यांनी सांगितले की जेव्हा मिडल ईस्ट रेस्पोरेटरी सिंड्रोम (MERS) आला तेव्हा आम्ही हा मार्ग निवडला होता. तिथून आम्हाला कळले की गाईच्या अँटीबॉडीजमध्ये इतर जीवांच्या अँटीबॉडी पेक्षा जास्त शक्ती असते.
सुलिवन म्हणाले की कोरोना विषाणूविरूद्ध अँटीबॉडीज 7 आठवड्यांपासून गाईच्या शरीरात तयार होत आहेत. यावेळी, गाय फार आजारी पडत नाही. तपासणी केल्यावर असे दिसून आले की गाईच्या शरीरात तयार केलेल्या या अँटीबॉडींनी कोरोना विषाणूच्या स्पाइक प्रोटीनला नष्ट केल्याचे आढळून आले आहे.
प्रयोगशाळेत जेव्हा गाईच्या प्लाझ्माची चाचणी घेण्यात आली तेव्हा असे आढळले की ते मानवी प्लाझ्मा थेरपी म्हणजे कोवेलेसेंट प्लाझ्मा थेरपीपेक्षा चार पट अधिक शक्तिशाली आहे. यामुळे कोरोना विषाणू मानवी शरीरात प्रवेश करू शकत नाही. एडीने सांगितले की काही आठवड्यांतच गायींच्या अँटीबॉडीजची माणसावर क्लिनिकल चाचण्या सुरू होतील. जेणेकरून मनुष्यामध्ये ते किती प्रभावी आहे हे आम्हाला समजू शकेल. आम्हाला आशा आहे की गाईच्या रक्तामधून काढलेली अँटीबॉडी इतर औषधे आणि उपचारांपेक्षा चांगली असतील.